Сè поголемите стравувања дека алатките за вештачка интелигенција (ВИ) наскоро би можеле да ги нарушат најголемите светски софтверски компании предизвикуваат распродажба низ целиот сектор.
Падот од 30 отсто на акциите на „Мандеј“ (Monday.com Ltd.) го привлече вниманието на инвеститорите во Европа во вторникот, при што некои аналитичари велат дека намалувањето ја одразува загриженоста за долгорочната конкурентна закана од ВИ исто колку и резултатите што не ги исполнија повисоките очекувања на инвеститорите.
Таквите стравувања поттикнаа големи загуби низ секторот. САП (SAP SE) - најголемата европска компанија според пазарна вредност, падна до 7,1 отсто во Франкфурт, бришејќи речиси 22 милијарди евра (26 милијарди долари) на најниското ниво во сесијата. Помалите конкуренти, како „Сејџ груп“ (Sage Group Plc) и „Дасолт систем“ (Dassault Systemes SE), исто така паднаа, следејќи го падот од понеделникот кај компании како „Сејлсфорс“ (Salesforce Inc.) и „Воркдеј“ (Workday Inc.).
Прочитај повеќе
Технолошките компании како тефлон: Приходи кои пркосат на сивилото на берзата
Ниту една од компаниите што објавија извештаи не покажува драматично слабеење на фундаменталните показатели, што е особено важно бидејќи неизвесноста продолжува да се врти околу влијанието на трговската политика и тарифите.
03.08.2025
Успешен квартал за „Мајкрософт“: Втор технолошки гигант што достигнува 4 трилиони долари
Најновите резултати на компанијата потврдија дека е лидер во областа на вештачката интелигенција...
31.07.2025
Големите технолошки компании се враќаат на возачкото место на индексот S&P 500
Истите технолошки гиганти што помогнаа индексот S&P 500 во април да дојде до работ на мечкиниот пазар сега му даваат поттик со закрепнувањето на американските акции.
02.06.2025
Вредноста на софтверските акции во однос на чип-секторот на најниско ниво месецов
„Вреднувањето на софтверските компании останува под притисок од наративот за ’смртта на софтверот поради ВИ’, што веројатно ќе предизвикува и понатамошна нестабилност на краток рок“, напишаа аналитичарите на „РБЦ капитал маркетс“ (RBC Capital Markets), предводени од Метју Хедберг.
Bloomberg
Софтверот годинава е меѓу најслабите сегменти во технолошкиот сектор, при што акциите на „Сејлсфорс“ се намалени за повеќе од 30 отсто, а на „Адобе“ (Adobe) за околу 25 отсто. Кошницата на софтверски акции се тргува близу најниските нивоа од јануари во споредба со група акции на производители на полупроводници.
Загриженоста се прошири и на компании што нудат истражувачки анализи и консултантски ИТ-услуги, како „Гартнер“ (Gartner Inc.), која минатата недела ја намали својата прогноза за целата година. Иако компанијата како причини наведе фактори како царини и кратење на државните буџети, аналитичарите велат дека слабите резултати дополнително ги зголемија стравувањата за конкуренција од ВИ-алатките за истражување.
Сепак, некои од аналитичарите гледаат можности за купување по наглиот пад на цените. Аналитичарот Џош Бер од „Морган Стенли“ (Morgan Stanley) во вторникот ја зголеми својата препорака за „Мандеј“ (Monday.com) на „повеќе од пазарната тежина“, велејќи дека повлекувањето на акцијата „веќе целосно ги инкорпорира“ ризиците од тоа ВИ да ги наруши пребарувачкото рекламирање и маркетингот базиран на перформанси.
„Инвеститорите се плашат дека ВИ ќе го ‘изеде’ софтверот и дека вреднувањата ќе се намалат“, изјави аналитичарот Бренд Тил од „Џефрис“ (Jefferies) во интервју за „Си-ен-би-си“ (CNBC) во понеделникот.
„Мислам дека стравот е пренадуван, но сепак живееме во период кога инвеститорите едноставно не се заинтересирани за оваа група компании“.
.webp){kind=icon}
Во моментов нема коментари за веста. Биди прв да коментира...