Софтверски инженер на „Мајкрософт“ почина на 35 години во кампусот во Силициумската Долина

Во кампусот на „Мајкрософт“ (Microsoft Corp.) во Силициумската Долина почина софтверски инженер на компанијата на возраст од 35 години.

Пратик Пандеј со својата идентификациска картичка влегол во канцеларијата на 19 август навечер, а бил пронајден мртов во раните утрински часови следниот ден, посочува член на семејството што разговарал со „Мајкрософт“ и побарал анонимност.

Пандеј бил познат по тоа што често работел до доцна во ноќта, вели членот на семејството. Според медицинскиот истражител на округот Санта Клара, причината за смртта сè уште се утврдува.

„Весела душа со блескава насмевка, Пратик обожаваше да игра фудбал, прекрасен син и пријател“, се наведува во објавата за комеморација во областа Беј.

Компанијата одби да коментира. Според лице запознаено со случајот, „Мајкрософт“ сè уште ја истражува смртта.

Пандеј работел на производот „Фабрик“ на „Мајкрософт“, кој се користи за анализа на податоци и е конкурент на компании како „Сноуфлејк“ (Snowflake Inc.). Тој работел под раководство на првиот човек за облакот и вештачката интелигенција, извршниот потпретседателСкот Гатри.

Според неговиот профил на Линкдин (LinkedIn), пред да му се приклучи на „Мајкрософт“ во 2020 година, Пандеј работел во компании како „Волмарт“ (Walmart Inc.) и „Епл“ (Apple Inc.). Тој бил дипломец на Државниот универзитет во Сан Хозе.

Неделава социјалните мрежи беа преплавени со пораки со сочувство за Пандеј откако веста се прошири. Семејството и членовите на заедницата работат на тоа неговото тело да биде вратено во Индија, каде што живеат неговите родители.

Според портпарол на полицијата во Маунтин Вју, полицијата реагирала на местото околу 2 часот по полноќ на 20 август. Не биле пронајдени „никакви знаци на сомнителна активност или однесување“, а смртта не се третира како кривична истрага.

 

 

Во моментов нема коментари за веста. Биди прв да коментира...

Остави коментар