Компанијата „Гугл“ (Google) во сопственост на „Алфабет“ (Alphabet Inc.) ја менува својата алатка Мапс (Maps) така што компанијата повеќе нема да има пристап до индивидуалната историја за локација на корисниците, со што се прекинува способноста да одговори на налозите од органите на редот кои бараат податоци за секој што бил во близина на кривично дело.
„Гугл“ ја менува функцијата „локејшн хистори“ (Location History) во Мапс, се вели во блог пост од оваа недела. Функцијата, за која „Гугл“ вели дека е стандардно исклучена, им помага на корисниците да меморираат каде биле. Компанијата во четвртокот соопшти дека за корисниците кои ќе ја овозможат опцијата, податоците за локацијата наскоро ќе бидат зачувани директно на нивните уреди, со што ќе се оневозможи „Гугл“ да ги гледа, а со тоа и ги блокира органите на прогонот да не можат да ги бараат овие информации од компанијата.
„Информациите за вашата локација се лични“, посочи Марло МекГриф, директор за производи за Гугл Мапс, во блог постот. „Ние сме посветени кон тоа да ги одржуваме функциите безбедни, приватни и под ваша контрола“.
Промената доаѓа три месеци по истрагата на „Блумберг бизнисвик“, според која полицијата ширум САД сè повеќе користи налози за да добие локации и да пребарува податоци од „Гугл“, дури и за ненасилни случаи, па дури и за луѓе кои немаат никаква врска со извршениот криминал.
„Мислам дека ова дури е и малку задоцнето“, рече Џенифер Линч, генерална советничка во „Електроник фронтир“ (Electronic Frontier Foundation), непрофитна организација со седиште во Сан Франциско која ги брани дигиталните граѓански слободи. „Го повикуваме 'Гугл' да ги направи овие промени со години, и мислам дека ова е фантастично за корисниците, бидејќи тоа значи дека тие можат да ги користат предностите на функциите како историјата на локации без да се плашат дека полицијата ќе добие пристап до сите тие податоци“.
„Гугл“ соопшти дека ќе ги спроведе промените постепено во текот на следната година на сопствениот оперативен системи Андроид и но и на Aj-о-eс (iOS) na „Епл“ (Apple), a корисниците ќе добијат известување кога ажурирањето ќе дојде на нивниот налог. Компанијата нема да може да одговори на новите налози штом ќе заврши ажурирањето, вклучително и за луѓето кои избираат да зачуваат шифрирани резервни копии од податоците за нивната локација во облак.
„Ова е победа за правата на приватност и дава добар пример“, рече Џејк Лаперук, заменик-директор на проект за безбедност и надзор во Центарот за демократија и технологија. Овој потег го потврдува она што поборниците за приватноста на податоците долго време го расправаа на суд: дека само затоа што компанијата може да поседува податоци како дел од нејзините деловни операции, тоа не значи дека корисниците се согласиле дека таа компанија има право да ги сподели со трета страна.
Линч вели дека иако „Гугл“ има заслуга за овој потег, долго време е единствената технолошка компанија која нејзината и други групи за граѓански слободи ја посочуваа дека постапувала во однос на спорните налози. „Одлично е што 'Гугл' го прави ова, но во исто време, никој друг не складирал и собирал податоци на ист начин како оваа компанија“, рече таа. „Епл“, кој исто така има апликација за мапи, посочи дека технички не е во состојба да обезбеди таков вид на податоци за локација какви што бара полицијата.
Сè уште постои уште еден вид на налози кој ги загрижува застапниците за приватност: таканаречените налози за обратно пребарување на клучни зборови (анг. reverse keyword search warrants), каде што полицијата може да побара од технолошка компанија да обезбеди податоци за луѓето кои пребарувале за одреден термин. „Прашањата за пребарување можат да бидат исклучително чувствителни, дури и ако пребарувате само адреса“, вели Линч.
.webp){kind=icon}
