„Водафон“ ќе соработува со „Гугл“ за да промовира телефони и услуги со ВИ

„Водафон“ (Vodafone Group Plc) соработува со „Гугл“ (Google) на „Алфабет“ (Alphabet Inc.) за на своите клиенти во Европа и во Африка да им донесе услуги во облак, алатки за генеративна вештачка интелигенција и сајбер-безбедност.

Десетгодишното проширување на постојното партнерство ќе придонесе „Водафон“ да промовира претплати за складирање во облак на Гугл, вклучувајќи го и „Гугл уан еј-ај премиум“ (Google One AI Premium), кој дава пристап до четботот Џеминај (Gemini), се наведува во соопштението на операторот.

„Водафон“ со седиште во Британија исто така ќе им покажува на клиентите како да ги користат најновите функции за вештачка интелигенција на уредите „пиксел“ (Pixel) во своите продавници.

„Тоа е делумно поради тоа што природата на уредот и природата на искуството што луѓето го имаат со уредот ќе се променат бидејќи вештачката интелигенција станува многу поистакната на уредот“, рече Томас Куријан, главен извршен директор на „Гугл клауд“ (Google Cloud). „Гугл“ и „Водафон“ работат „да им олеснат на луѓето да ги искусат тие работи и да донесат одлука за купување“.

Телекомуникациските провајдери се обидуваат да ги диверзифицираат своите текови на приходи нудејќи дигитални услуги покрај конекција. Правејќи го тоа, тие се стремат да имитираат дел од успехот на големите технолошки компании што имаат акумулирано огромни профити додека многу оператори заостануваат.

„Водафон“ исто така ќе ја користи технологијата на „Гугл“ за да ги подобри пребарувањето, препораките и целењето со реклами за својата услуга „Водафон ТВ бокс“ (Vodafone TV box) и да развие нов производ за сајбер-безбедност во облак за деловни корисници, се наведува во соопштението.

Во моментов нема коментари за веста. Биди прв да коментира...

Остави коментар