text size
„Убер“ (Uber Technologies, Inc.), „Верне“ (Verne) и „Пони“ (Pony AI Inc. / Pony.ai) во средата објавија почеток на автономни возења преку апликацијата Убер (Uber), со што на корисниците во Загреб, за првпат во Европа, им е овозможено да резервираат автономно возило преку апликацијата.
Од средата корисниците на „Убер“ можат да резервираат автономно возење во клучни делови на Загреб, вклучувајќи го центарот на градот, а достапноста на услугата и подрачјето на покриеност со текот на времето ќе се прошируваат. Во почетниот период на услугата, во возилото зад воланот ќе се наоѓа лиценциран оператор кој ќе го надгледува возењето, како дел од постепеното воведување на технологијата, пред да започнат возења без возач.
Новата услуга ги обединува технологијата за автономно возење на „Пони“ (Pony.ai), услужниот екосистем и оперативната рамка на „Верне“, како и глобалната платформа за мобилност на Убер. Според овој модел, „Пони“ го обезбедува своето решение за автономно возење; „Верне“ е сопственик на возниот парк и оператор на услугата; додека „Убер“ ја интегрира услугата во својата мрежа за нарачување возења и преку својата апликација на корисниците им го обезбедува целосното искуство на возењето.
Прочитај повеќе
Кинескиот БЈД ќе обезбеди 100.000 електрични возила за сервисот „Убер“
Kинескиот производител ќе обезбеди 100.000 електрични возила за познатата платформа за превоз на патници.
31.07.2024
Како возењето со „Убер“ и со „Лифт“ да остане достапно, а возачите задоволни
Компаниите „Убер“ и „Лифт“ со години им се спротивставуваат на локалните власти и на организациите за работнички права.
11.11.2024
Uber/Verne
Ова започнување на услугата се надоврзува на партнерството објавено во март, со што услугата од фазата на развој и тестирање преминува во реална примена преку „Убер“.
„Ова е важна пресвртница за автономната мобилност во Европа“, изјави Ени Дувњак, глобална директорка за операции на автономната мобилност во „Убер“. „Со поврзување на докажаната технологија за автономно возење на „Пони“, оперативната експертиза на „Верне“ и глобалната платформа на „Убер“, на корисниците им овозможуваме едноставен пристап до автономни возења преку апликацијата Убер. Загреб е важен прв чекор во нашите напори да ги доближиме автономните возила до милиони корисници и да ја изградиме најголемата светска платформа за имплементација на автономни возила.“
Загреб е првиот пазар на кој услугата се започнува во рамките на ова партнерство и претставува модел што компаниите планираат да го прошират на дополнителни европски градови. Повеќе детали за следните пазари на кои ќе биде започната услугата ќе бидат објавени до крајот на годинава.
„'Верне' во април во Загреб ја започна првата комерцијална роботакси услуга во Европа. Оттогаш реализиравме илјадници автономни возења, работејќи секојдневно и учејќи од искуствата на вистинските корисници во овој европски град. Од денес возењата на 'Верне' се достапни и преку 'Убер', со што на корисниците им обезбедуваме уште еден начин за пристап до услугата. Ова претставува уште еден европски преседан - првпат автономните возења се достапни преку 'Убер' во Европа“, изјави Марко Пејковиќ, извршен директор на „Верне“. „Ова е важна пресвртница не само за 'Верне', туку и за Хрватска. Услугата која првпат беше започната овде во Загреб сега е достапна преку најголемата светска платформа за мобилност. Искуството што секојдневно го стекнуваме во Загреб ќе ни помогне да го донесеме 'Верне' и во други европски градови.“
Uber/Verne
„Воведувањето на загрепската роботакси услуга на платформата на 'Убер' е важен следен чекор кон тоа автономната мобилност да стане подостапна за корисниците“, изјави д-р Џејмс Пенг, основач и извршен директор на „Пони“. „Оваа пресвртница воедно е силен пример за заедничкиот модел на имплементација во пракса, кој ги поврзува 'Пони', роботакси технологијата од ниво ген-7, локалните оперативни капацитети на 'Верне' и платформата на 'Убер' и досегот до корисниците за да се создаде одржлив пат за ширење на автономната мобилност. Со нетрпение очекуваме проширување на услугата во Загреб и понатамошен напредок кон целосно автономни возења без возач.“
Безбедноста е на прво место за „Убер“. Сите автономни возила мора да ги исполнат важечките регулаторни барања и безбедносните стандарди на „Убер“ пред да започнат да сообраќаат на платформата, а услугата постепено ќе се проширува додека партнерите работат на постигнување целосно автономни операции.
„Убер“ очекува автономните возила и возилата со кои управуваат возачи во догледна иднина да коегзистираат и заедно да растат. За многу возења и понатаму ќе бидат потребни возачи, додека автономните возила можат да го прошират опсегот на опции за превоз достапни за корисниците.
Корисниците можат да пристапат до услугата така што ќе ја отворат апликацијата Убер и ќе побараат UberX или Comfort. Кога е достапно автономно возило, апликацијата ќе му понуди на корисникот можност да ја користи услугата, со информации за возилото и упатства за започнување и завршување на возењето.
.webp){kind=icon}
