.webp){kind=icon}
Изминатата 2022 година беше обележана со значително прифаќање на метаверзумот во светот на блокчејн и технолошката заедница. Дури и Марк Закерберг го смени името на технолошкиот гигант „Фејсбук“ во „Мета“. Без разлика на таа одлука, акциите на „Мета“ значително паднаа. Некои причината за тоа ја пронајдоа во падот на целиот пазар, додека други за погрешниот правец на бизнисот на „Мета“ го обвинија токму на метаверзумот.
Одредени студии покажаа дека вредноста на метаверзумот би можела да биде околу пет илјади милијарди американски долари до 2030 година. Пандемијата ковид-19 го задржа огромното мнозинство од населението затворено, па многумина го препознаа ова како можност за метаверзумот. Во иднина може да очекуваме дружење без директна социјална интеракција или преку технологијата VR (виртуелна реалност).
Водечките светски корпорации, кои вклучуваат имиња како „Амазон“ (Amazon), „Енвидија“ (Nvidiа), „Мета“ (Meta), „Епл“ (Apple), „Гугл“ (Google) и „Мајкрософт“ (Microsoft), инвестираат многу во метаверзумот. Анкета на „Коин вајр“ (CoinWire) со 10.000 учесници дава неколку интересни информации.
Вкупно 66 отсто од испитаниците и крипто-инвеститорите имаат доверба во берзата „Бајненс“ (Binance) и нивниот бизнис. Во 2022 година, најмногу финансиски средства се собрани околу Web 3.0. технологии. Испитаниците веруваат дека блокчејните BNB и Polygon ќе постигнат најголема примена оваа година. Тие исто така тврдат дека „Мајкрософт“, а не „Мета“, го направил најголемиот чекор кон доминација во светот на метаверзумот, преку своите 158 патенти.
Во однос на прифаќањето на метаверзумот, Кина го зазеде водечкото место, оставајќи ги зад себе Индија, Перу, Саудиска Арабија и Колумбија.
Иако голем број од испитаниците, 89 отсто од нив изјавиле дека често слушаат за Web 3.0. технологија, сепак 52 отсто од нив се збунети во однос на терминот. И покрај тоа, повеќе од половина од испитаниците, поточно 51,4 отсто, веруваат дека Web 3.0. сè уште пренадуван поим.
Дури и на Светскиот економски форум (СЕФ) што се одржа во Швајцарија пред неколку недели, имаше дискусија за метаверзумот. Како заклучок, целата приказна околу метаверзумот доведе до примена и зголемување на вредноста на одредени криптовалути од овој сектор, чии главни претставници се Decentraland (MANA) и Sandbox (SAND).
