Процените за тоа колку ќе чинат деловите и работната рака за поправка на автомобили може да бидат болни, особено со зголемувањето на стапката на инфлација, но еден стартап во предградието на Детроит има цел да ги намали тие трошоци за околу половина, со примена на нова генерација на роботи.
Компанијата „Роботајр“ (RoboTire Inc.) од Плимут, Мичиген, развила систем со два робота од „Кавасаки“ (Kawasaki Heavy Industries Ltd.) што можат да изротираат четири гуми за 18 минути со притискање само едно копче. На едно лице би му било потребно речиси двојно повеќе време за да ја заврши истата работа.
„Роботите можат да ги намалат трошоците за работна сила дури за 40 отсто, што би значело дека тројца вработени во работилница за гуми ќе ја вршат истата работа како петмина“, вели Виктор Даролфи, кој ја основал компанијата во 2019 година и ја смета „Дисконт тајр“ (Discount Tire Co.) за инвеститор и купувач.
Прочитај повеќе
Ме замени робот. Дали и тој ќе плаќа даноци?
Идејата за која се разговара во Словенија е данок на роботите
01.03.2023
Роботите на Амазон се подготвени за следниот чекор
Роботите ќе оставаат и земаат предмети, ќе ги преместуваат спакуваните кутии во колички за испорака, а нив ќе ги пренесуваат во камиони
25.01.2023
„Ние ја градиме најсофистицираната алатка што може да ја има сопственик на работилница за да им помогне на техничарите да ја завршат својата работа“, рече Даролфи во интервју, додавајќи дека неговата компанија планира да додаде други услуги, како што се преглед на сопирачките и нивелирање.
Транзицијата кон роботи што ја заменуваат човечката работна сила се забрза бидејќи недостигот од работна сила ги зголеми трошоците. Минатата година автомобилските компании ги зголемија вкупните нарачки на роботи за 11 отсто во однос на 2021 година, на рекордни 44.200 во Северна Америка, според Здружението за напредна автоматизација. Сепак, во првиот квартал, нарачките паднаа за 21 отсто во споредба со претходната година, на околу 9.200.
Системот на „Роботајр“ користи идентификациски броеви на возила за да се приспособи на тркалата на кое било возило произведено од 1986 година или подоцна. Цената се договара за секој систем, при што тој се интегрира со постојните машини за менување гуми и балансирање тркала за да ги извршува овие задачи практично без помош од човечки раце.
„Системот досега е инсталиран кај четири клиенти, а компанијата очекува да објави нова рунда на финансирање веќе следниот месец за да го зголеми производството“, рече Даролфи.
.webp){kind=icon}
