.webp){kind=icon}
Откако „Мета“ (Meta Platforms Inc.) ја лансираше „Тредс“ (Threads) во средата, милиони корисници се приклучија на новата социјална платформа која ветува „позитивни, продуктивни разговори“ – што е очигледен удар за реториката на поделби што е вообичаена на „Твитер“ и на други сајтови.
Но, тоа ветување ќе биде тешко да се одржи како што расте популарноста на апликацијата - досега има 70 милиони корисници. Според проверките на „Блумберг“, потврдени од независни истражувачи, меѓу првите корисници на „Тредс“ има лица поврзани со ширењето на дезинформации и говор на омраза на други сајтови.
Некои од тие корисници веќе ги тестираат границите на новата апликација, даваат лажни тврдења за избори, фрлаат сомнеж за безбедноста на вакцините и ја навредуваат ЛГБТК+ заедницата.
Прочитај повеќе
Повеќе од очекувањата: За два дена 70 милиони лица на „Тредс“
На „Тредс“ луѓето можат да објавуваат текст и линкови и да одговараат или повторно да објавуваат пораки од други
08.07.2023
„Веќе гледаме многу профили за кои е познато дека шират штетна и погрешна содржина“, вели Мелани Смит, раководител за истражување на американскиот дел на Институтот за стратешки дијалог.
Меѓу новите кориснички сметки на „Тредс“ се Џек Пособиец, екстремно десничарски новинар кој се залага за антисемитски и врховистички ставови за белата раса, Тим Пул, коментатор на „Јутјуб“ кој е обвинет за ширење десничарски дезинформациии Чаја Раичик, анти-ЛГБТК инфлуенсерка и креаторка на сатирично именуваните сметки „Либс“ (Libs) на „ТикТок“.
„Тредс“ започна со работа со вградени одбранбени механизми за штетна содржина, бидејќи нејзините кориснички политики се исти како оние на „Инстаграм“. Кога луѓето кликнуваат за да следат сметки што биле означени за ширење дезинформации во минатото, на пример, „Тредс“ прикажува предупредување со кое се прашуваат дали се сигурни за тој чекор.
„Мета“, најголемата компанија за социјални медиуми која исто така ги поседува „Фејсбук“ и „Инстаграм“, не одговори веднаш на барањето за коментар за тоа дали знае за сметки на „Тредс“ од корисници шират дезинформации или говор на омраза на други платформи.
Пособиец, на пример, веќе објави навреди за трансродовите луѓе на „Тредс“ и лажно тврдеше дека: „Изборите во 2020 година беа наместени и сите го знаат тоа“.
Раичик, под корисничкото име „Либс“ на „ТикТок“ исто така ја прелистуваше новата апликација и сметките на трансродовите луѓе и уживаше во можноста нејзините објави да предизвикаат контроверзии. „Ми се допаѓа фактот што моето постоење на оваа апликација толку многу ја активира левицата“, напиша таа веднаш по регистрацијата.
Најмалку еден член на Дезинформациската дузина, термин што се користи за некои од највлијателните лица кои шират лажни тврдења за Ковид-19 и вакцините, исто така отворија сметки. Иако д-р Џозеф Меркола не објави никаква содржина за вакцините во деновите откако беше лансирана „Тредс“, неговата сметка на новата социјална мрежа веќе собра речиси 7.000 следбеници.
Голем број екстремно десничарски медиуми, исто така, се приклучија на апликацијата, со потврдени сметки за „Бреитберт њуз“ (Breitbart News) и „Гејтвеј Пандит“меѓу нив, но сè уште не објавиле многу содржини.
Сметката „Тредс“за „Вор рум“ (War Room), емисија на „Рил Америка Војс ТВ“ (Real America's Voice TV) што ја води поранешниот советник на Доналд Трамп, Стив Банон, сподели клип на „Тредс“ во четвртокот во кој се појавува Наоми Волф, која обвини истакната фармацевтска компанија дека извршила измама кога побарала итно овластување за нејзината Ковид-19 вакцина.
Неколку проверени сметки кои се припишуваат на државниот руски медиум „Спутник“, исто така отворија сметки на „Тредс“, но повеќето сè уште не објавиле ништо.
„Мета“ официјално го лансираше „Тредс“ на 6 јули. Платформата моментално ги ограничува начините на кои корисникот може да откриваат содржина. За разлика од „Твитер“, корисниците на „Тредс“ не можат да бараат конкретни фрази и се принудени да гледаат содржина која ја нудат алгоритмите на „Мета“. Тоа значи дека популарните корисници најверојатно ќе бидат широко промовирани преку алгоритмот.
Смит од ИСД УСА ги повикува корисниците да бидат претпазливи на „Тредс“. „Ова е апликација за социјални медиуми која е во сопственост на „Мета“, кои постојано не успеваат во управувањето и модерирањето на другите платформи што ги поседуваат“, вели таа.
