.webp){kind=icon}
Новата апликација „Тредс“(Threads) на „Мета“ (Meta Platforms Inc.) собра 70 милиони корисници за само два дена по нејзиното лансирање, што е сигнал за ентузијазам за кој главниот извршен директор Марк Закерберг рече дека е над очекувањата.
„Тредс“ беше лансирана во средата како алтернатива на „Твитер“ на Илон Маск, кој имаше 237,8 милиони корисници заклучно со јули 2022 година, но исто така предмет на контроверзии. На „Тредс“, што многу наликува на изгледот на „Твитер“, луѓето можат да објавуваат текст и линкови и да одговараат или повторно да објавуваат пораки од други. Апликацијата ќе им овозможи на корисниците да ги пренесуваат нивните постојни списоци со следбеници и имиња на сметките од „Инстаграм“, апликацијата за споделување фотографии и видео на „Мета“ која ги вбројува главните брендови, познати личности и креатори меѓу своите повеќе од 2 милијарди корисници.
„Тредс“ моментално е рангирана на првото место меѓу бесплатните апликации на „Еп Сторе“ (App Store) на „Епл“ (Apple Inc) во САД.
„70 милиони регистрирани на „Тредс“ од утрово“, рече Цукерберг во објавата на неговата сметка на „Тредс“. „Тоа е многу над нашите очекувања“.
