„Нинтендо“ (Nintendo Co) постигна нов рекорд на добивка во првиот квартал по успешното лансирање на новата игра „Зелда“ (Legend of Zelda)
Компанијата со седиште во Кјото објави оперативен профит од 185,44 милијарди јени (1,3 милијарда долари), надминувајќи ги процените на аналитичарите и својот претходен квартален максимум од 144,7 милијарди јени, поставен во 2020 година. Продажбата изнесува 461,34 милијарда јени, што е значително повисоко од претходниот резултат од 307,5 милијарди јени.
Bloomberg Mercury
Најголемо влијание за раст на добивката имаше играта „Зелда - солзите на кралството“, која беше објавена во мај и која предизвика позитивни реакции од критичарите. Последната серија од играта во првите три дена беше продадена во над десет милиони примероци, со што стана деветта најпродавана игра на конзолата „Нинтендо свич“, со 18,51 милиони примероци.
За растот на добивката големо влијание има и филмот „Супер Марио“, кој помогна речиси тројно да се зголемат таксите за лиценцирање на „Нинтендо“. Според аналитичарите, играта „ Зелда“ ќе се продава добро до 2024 година. „Играта ’Зелда’ има нозе и ќе продолжи да се продава добро до 2024 година“, рече индустрискиот аналитичар Серкан Тото. „За филмот за Марио, ’Нинтендо’ очигледно можеше да извлече повеќе приходи од договорот со партнерот „Илуминејшн“ (Illumination) отколку типичниот холивудски стандард.
Bloomberg Mercury
Останува отворено прашањето какви чекори ќе преземе компанијата во наредните месеци. Компанијата не објави никакви игри за остатокот од фискалната година до март. Ривалските производители на конзоли „Сони“ (Sony Group Corp.) и „Мајкрософт“ (Microsoft Corp) се подготвени за периодот што следува со големи хардверски резерви и голем број игри што се во тек.
Конзолата „Нинтендо свич“ беше објавена во 2017 година, а претседателот на „Нинтендо“, Шунтаро Фурукава, рече дека нема да биде лесно да се одржи побарувачката на новата конзола. На почетокот на годинава „Нинтендо“ ја намали својата перспектива за заработка и приходи за тековната година, нагласувајќи ја неизвесноста за својата застарена конзола „Свич“ и глобалното опкружување за игри.
.webp){kind=icon}
