Индустријата на игри за мобилен оди од крајност во крајност - или има бум или остар пад

Трошоците на мобилните гејмери лани се зголемија за четири проценти, дури и во услови кога бројот на преземања и нови изданија се намали, што го истакнува стеснувањето на индустријата на неколку огромни наслови што доминираат меѓу корисниците.

На новите хитови им беше потребно пократко време од кога било досега - 106 дена, според податоците на „Апфигурс“ (Appfigures). Само 399 нови игри го достигнаа прагот потребен за влез во категоријата евергрин-наслови, каде што конкуренцијата е помала од порано, а во 2024 година беа објавени вкупно 43 проценти помалку игри, велат истражувачите.

Индустријата за игри се бори да развие одржлив економски модел, при што многу издавачи и студија во последно време откажуваат проекти и го намалуваат бројот на вработени откако избледе бумот во забавата предизвикан од пандемијата. Зголемените трошоци за развој и промоција на нови игри ги намалија инвестициите и ги натераа производителите на конзоли „Нинтендо“ (Nintendo Co.) и „Мајкрософт“ (Microsoft Corp.) да ги најават првите малопродажни игри по цени од 80 долари.

Bloomberg Mercury

 

На мобилни уреди „Тенсент холдингс“ (Tencent Holdings Ltd.) заработи приближно четири пати повеќе од вториот најголем издавач во 2024 година, „Монополи гоу“ (Monopoly Go!) на креаторот „Скоупли“ (Scopely Inc.), со долгогодишните фаворити „Онор оф кингс“ (Honor of Kings) и „Пискипер елит“ (Peacekeeper Elite) меѓу четирите најплатени светски компании.

Bloomberg Mercury

 

Најпрофитабилните и најпреземаните игри за годината беа речиси сите долговечни или т.н. евергрин-наслови на мобилни игри - помалку од четири милијарди долари од вкупните 65,7 милијарди долари се потрошени од игри што всушност се објавени во 2024 година. Меѓу нив, осум доаѓаат од кинески програмери, вклучувајќи ја и „Зенлес зон зиро“ (Zenless Zone Zero) на „Михојо“ (Mihoyo Co.), како и две од Јапонија.

Истражувачите од „Апфигурс“ велат дека програмерите што се обидуваат да бидат дел од индустријата се борат да ги задржат постојните играчи и да регрутираат нови. Една стратегија е да се користи вкрстена промотивна работа и други облици на забава.

Bloomberg Mercury

 

„Соработките помеѓу мобилните игри и главните интелектуални права, од телевизија и филмови до стрипови и мода, не се ништо ново. Но во онлајн игрите за повеќе играчи и игрите со услуги во живо, тие блескаат, зголемувајќи ги и аквизициите на играчите и трошењето“, според извештајот на „Апфигурс“. „Монетизацијата преку брендирани настани со текот на времето стана пософистицирана и сега е основна стратегија на врвните наслови“.

Американските гејмери повторно беа меѓу највредните во светот, бидејќи трошеа во просек 6,43 долари по преземање на уредите ајфон (iPhone) и андроид (Android), над четири пати повеќе од глобалниот просек од 1,52 долар по преземање. И двете бројки се зголемија за 11 проценти, што го нагласува основниот тренд на зголемено трошење.

 

Во моментов нема коментари за веста. Биди прв да коментира...

Остави коментар