„ЏП Морган“: Вештачката интелигенција ќе ја скрати работната недела на три и пол дена

Првиот човек на „ЏП Морган“ (JPMorgan Chase & Co.), Џејми Дајмон вели дека вештачката интелигенција веќе ја користат илјадници вработени во неговата банка и дека веројатно ќе направи драматично подобрување во квалитетот на животот на работниците, дури и ако елиминира некои работни места.

„Вашите деца ќе доживеат 100 години и нема да имаат рак поради технологијата“, рече Дајмон  во интервју за ТВ „Блумберг“. „И буквално тие веројатно ќе работат три и пол дена во неделата“.

Дајмон, кој смета дека вештачката интелигенција е „клучна за идниот успех на компанијата“, претходно рече дека технологијата може да се користи за да и помогне на фирмата да развие нови производи, да го поттикне ангажманот на клиентите, да ја подобри продуктивноста и да го подобри управувањето со ризикот.

Тој додаде дека покрај сите позитивните страни што ги нуди вештачката интелигенција, технологијата навистина носи ризици.

„Технологијата направи неверојатни работи за човештвото, но, знаете, авионите се уриваат, фармацевтските производи се злоупотребуваат – постојат негативни страни“, рече тој. „Во овој случај, најголемата негативност според мене е дека вештачката интелигенција може да ја користат лоши луѓе за да прават лоши работи“.

Извршниот директор рече дека вештачката интелигенција може да замени некои работни места, но тоа секогаш било случај со новата технологија.

Во моментов нема коментари за веста. Биди прв да коментира...

Остави коментар