Генеративната вештачка интелигенција (ВИ) штотуку почнува да го гради своето економско влијание, вели главната директорка за технологија на „Опен еј-ај“ (OpenAI Inc.), Мира Мурати.
Најновиот модел ГПТ-4о (GPT-4o) на „Опен еј-ај“, кој им помага на корисниците да генерираат содржини како текст, презентации и видеа, станува поинтуитивен за користење и тоа го поттикнува неговото усвојување, рече Мурати на конференцијата „Азија тех Х“ (Asia Tech X) во Сингапур во четвртокот. Луѓето сè повеќе користат алатки за вештачка интелигенција за задачи како што се кодирање, пишување и административна работа, рече таа.
„Не може во целост да го разбереме влијанието што ова ќе го има врз бизнисите и работата бидејќи трендот штотуку почнува“, рече таа. „Но она што го видовме досега е дека за многу кратко време овие системи за вештачка интелигенција влегоа во работната сила како соработници“.
Прочитај повеќе
Звучната верзија на ЧетГПТ повлекува глас што потсетува на Скарлет Јохансон
Компанијата за вештачка интелигенција работи на стопирање на користењето глас од звучната верзија на ЧетГПТ.
20.05.2024
„Опен еј-ај“ се шири на глобално ниво, отвора претставништво и во Токио
„Опен еј-ај“ планира да отвори канцеларија во Токио во април, тврди упатен извор.
01.04.2024
ЧетГПТ отсега ќе памети детали од вашите разговори
„Опен еј-ај“ тестира опција за корисниците да бараат од популарниот четбот да задржи конкретни информации од една до друга сесија.
15.02.2024
„Опен еј-ај“ ќе им плаќа на медиуми за да обучува ВИ со нивните содржини
Компанијата за вештачка интелигенција (ВИ) е во преговори со „Си-ен-ен“, „Фокс“ и „Тајм“ за лиценцирање на нивната содржина.
11.01.2024
„Опен еј-ај“ се соочува со засилена конкуренција од ривали како „Гугл“ (Google) на „Алфабет“ (Alphabet Inc.), „Мета“ (Meta Platforms Inc.), стартапот „Антропик“ (Anthropic) и „Екс еј-ај“ (xAI) на Илон Маск. „Опен еј-ај“ претходно овој месец го објави четботот ГПТ-4о, кој Мурати го промовираше како иднината на интеракцијата помеѓу луѓето и машините.
„Развојот на ВИ е исклучително конкурентен во моментов“, рече Мурати. Конкуренцијата „всушност може да биде навистина добра сè додека е конкуренција базирана на безбедност и не се заобиколуваат принципите“.
.webp){kind=icon}
