Компанијата „Епл“ (Apple Inc.) ангажирала еден од врвните менаџери за развој на автомобили од „Ламборџини“ (Lamborghini) во знак дека ја засилува работата на своето електрично возило со самостојно управување, наведуваат извори кои се запознаени со ситуацијата.
Компанијата го ангажирала Луиџи Тараборели, ветеран на италијанскиот производител на автомобили, со 20-годишно искуство, за да помогне во дизајнот на идното возило на Apple, тврдат изворите, кои побарале да останат анонимни бидејќи работата не е јавна. Тараборели до неодамна беше шеф на одделот за шасии и динамика во Lamborghini.
Овој потег е уште еден сигнал дека Apple е посветен на производство на автомобил по години на неуспеси и пресврти. Со своето искуство, Тараборели станува еден од највисоките менаџери во тимот на компанијата која работи на електрично возило и внесува егзотични автомобилски нијанси во целиот проект.
Директорот работел на моделите на Lamborghini како што се Urus, Huracan и Aventador, покрај поограничените модели како теренското возило Huracan Sterrato и концептот Asterion. Тој го надгледувал развојот на шасијата на Lamborghini, како и областите како што се управување, суспензија, сопирачки и бандажи, според неговиот профил на LinkedIn.
Портпаролката на Apple одби да коментира за работниот ангажман.
Претходно годинава, Apple ангажира ветеран на „Форд“ (Ford Motor Co.) со 31-годишно искуство за да го води проектот за безбедност во возилата. Минатата година беше ангажиран и Улрих Кранц, поранешен шеф на производителот на електрични автомобили „Кану“ (Canoo Inc.) и поранешен лидер на бизнисот со електрични автомобили на BMW. Пред тоа, Apple воспостави сорабортка и со поранешниот шеф на одделот за автопилот на „Тесла“ (Tesla Inc.), Стјуарт Бауерс, да работи на технологијата за самоуправување.
Проектот на Apple вклучува стотици поранешни инженери од Tesla и други автомобилски компании. Исто така, има поранешни високи директори за дизајн од Tesla, „Мекларен“ (McLaren), „Порше“ (Porsche) и „Астон Мартин“ (Aston Martin).
Компанијата има за цел да претстави автомобил околу 2025 година со дизајн што ќе им овозможи на патниците да седат еден спроти друг, во ентериер сличен на денешните лимузини, објави претходно Bloomberg. Apple има големи амбиции да создаде автомобил без волан или педали, потпирајќи се на целосно автономна технологија, иако многу членови на тимот и набљудувачи на индустријата се сомневаат дека таков потег е возможен врз основа на сегашниот распоред.
.webp){kind=icon}
