Дури и најголемите зависници од работа во светот почнуваат да ја прифаќаат идејата дека помалку работа на крајот може да биде поефикасна.
На панел одржан на Светскиот економски форум во Давос, Швајцарија, експерти разговараа за придобивките од четиридневната работна недела, истакнувајќи дека пофлексибилна работа може да помогне да се задржат вработените и да доведе до поголема продуктивност.
Случајот со Обединетите Арапски Емирати е многу важен пример. Откако државата воведе пократка работна недела претходно годинава, околу 70 отсто од работниците пријавиле дека работат поефикасно, додека истовремено е забележан и пад на отсуствата од 55 отсто, рече министерот за развој и иднина на оваа држава.
„Флексибилноста што луѓето на работа најмногу ја сакаат не е избор за тоа каде работат, туку кога и колку работат“, рече Адам Грант, организациски психолог од Универзитетот во Пенсилванија.
Обединетите Арапски Емирати ја воведоа промената од повеќе причини, вклучително и зголемување на личното задоволство и зајакнување на односите во семејството и заедницата, рече министерот Охуд Бинт Халфан Ал Руми на панелот. Но, има и позитивен економски ефект.
„Кога луѓето имаат подолги викенди, тие можат да трошат повеќе“, нагласи тој.
.webp){kind=icon}
