НЛБ групацијата за девет месеци од оваа година остварила приход од 563,7 милиони евра, што е 13 отсто повеќе во однос на истиот период во 2021 година, покажуваат податоците кои ги објави компанијата и ги достави до берзата во Љубљана. Од нив, нето приходите од камати изнесуваат 353,1 милиони евра, што е 17 отсто повеќе во однос на истиот период од 2021 година. Растот се должи главно на поголемиот обем на кредити со повисоки каматни стапки, велат од банката.
Некаматните приходи се зголемени за седум отсто на 210,6 милиони евра. Групацијата во третиот квартал оствари 205,6 милиони евра приход и 90,8 милиони евра нето добивка.
Нето добивката заклучно со септември порасна за 84 отсто на 377,8 милиони евра. Бруто кредитите на клиентите за три квартали бележат раст од 21 отсто на 13,2 милијарди евра. Тоа е за 2,34 милијарди повеќе отколку пред една година. Депозитите на клиентите пораснаа за 11 отсто на 19,6 милијарди евра.
Расте и нето каматната маржа за 0,1 процентен поен на 2,17 отсто. Нето каматната маржа во третиот квартал изнесува 2,27 отсто и е повисока за 0,11 процентни поени во однос на претходниот квартал и за 0,24 процентни поени во однос на истиот период лани. Поради високата инфлација растат трошоците за работна сила и администрација. Сепак, забелажан е квартален пад на трошоците.
„Деловните резултати на НЛБ Групацијата за девет месеци се одлични и сè уште не го покажуваат нивото на стрес што го очекува пазарот“, истакна извршниот директор на НЛБ Блаж Бродњак по објавувањето на резултатите.
„Уверени сме дека тие треба да се претворат во додадена вредност за нашите акционери со очекуваната исплата на дивиденди, по втор пат за оваа година, во вкупен износ од 50 милиони евра, што е 2,50 евра по акција. Ветените 100 милиони евра дивиденди во 2022 година се очекува да бидат исплатени по Генералното собрание во декември, а потоа и со сите последователни исплати. До 2025 година, проектираме вкупен поврат на капиталот преку солидни готовински дивиденди во кумулативен износ од 500 милиони евра (вклучувајќи ги исплатите во 2022 година), што од една страна ќе обезбеди стабилно зголемување на дивидендата, а од друга страна ќе обезбеди простор за зголемена органска раст и тактички можности за спојување“, вели тој.
Тешкиот период, обележан со геополитички тензии и раст на цените, индиректно и директно влијае на работењето на групацијата. Во регионот се очекуваат умерени, но сепак позитивни стапки на економски раст до крајот на 2023 година. Во 2022 година очекувањата се приходи ќе изнесуваат 750 милиони евра, што е подобро во споредба со првата проценка кога очекувале 730 милиони евра. Во 2023 година очекуваат 850 милиони евра приход, претходно предвидуваа 800 милиони евра.
.webp){kind=icon}
