Главниот извршен директор на најголемиот пензиски фонд во Шведска, Магнус Билинг, мораше да ја напушти функцијата откако стана јасно дека фондот е една од најголемите жртви на колапсот на банката „Силикон валеј“ (СВБ) надвор од Америка.
Фондот загуби околу две милијарди долари, па извршниот одбор на фондот „Алекта“ (Alecta), по интензивните дискусии за тоа како да се врати довербата на клиентите, одлучи да го отпушти Билинг.
Улогата на Билинг привремено ќе ја преземе неговата заменичка Катарина Торслунд, а потрагата по нов шеф на „Алекта“ ќе започне веднаш.
Прочитај повеќе
Директорот на „ЏП Морган“ вели дека банкарската криза ќе се чувствува со години
Грешките на банката „Силикон валеј“ беа поттикнати од регулативата во САД, беа непроверени од ФЕД и „се криеја на отворено“ додека не се вознемирија Волстрит и штедачите.
05.04.2023
Народна банка: Европските банки ќе останат недопрени од кризата со СВБ
Нема потврда за каква било поврзаност на некои странски компании-мајки на фирми што егзистираат овде.
14.03.2023
Билинг управува со фондот од 2016 година. Загубите за „Алекта“ произлегуваат од инвестициите во банките СВБ, „Сигначур“ (Signature) и „Фрст рипаблик“ (First Republic). Ниту еден пензиски фонд не бил толку изложен на инвестиции во овие три специјализирани банки.
„Алекта“ вложила 900 милиони долари во банката „Фрст рипаблик“, 830 милиони долари во СВБ и 300 милиони долари во „Сигначур“.
„Алекта“ одлучи и да ги намали инвестициите во компании „далеку од дома“. Шефицата на акционерското портфолио Лиселот Ледин беше испратена на одмор минатата недела, а претседателката на фондот Ингрид Бонде ги нарече инвестициските одлуки на Ледин „невообичаено несмасни“, предизвикувајќи критики од адвокатите на еден од најголемите шведски синдикати, кои го сметаат коментарот како еден вид паника во обидот да се „покаже дека нешто се работи“.
Билинг призна дека инвестирањето во САД е голема грешка, но во исто време се обиде да го минимизира неговото значење, велејќи дека тоа е помалку од два отсто од капиталот на фондот.
Од шведското национално здружение на пензионери, пак, посочуваат дека станува збор за средства одвоени од платите на вработените и дека секоја загуба треба да се сфати сериозно.
Шведската влада и централната банка објавија дека внимателно ја следат ситуацијата.
Членката на извршниот одбор Ен Гревелиус привремено ја презеде улогата на шефица на акционерското портфолио, со задача да ја ревидира стратегијата за водење на тоа портфолио понатаму, при што најголемиот дел од таа работа се очекува да биде завршен до летото.
.webp){kind=icon}