Извршниот директор на „Блекрок“ (BlackRock Inc.), Лари Финк, ги повика европските земји да продолжат со обединување на банкарскиот пазар, но се воздржа од коментирање за можната комбинација меѓу „Комерцбанк“ (Commerzbank AG) и „Уни кредит“ (UniCredit SpA).
„Европа има потреба од посилен систем на капитални пазари и пообединет банкарски систем“, рече Финк во интервју на конференцијата „Берлински глобален дијалог“ во вторникот, кога беше прашан за неговото мислење за можното поврзување на овие два заемодавци.
Тој додаде дека не би сакал да коментира „никакви активности“ што се случуваат меѓу овие две компании, бидејќи неговата компанија е акционер во двете. „Блекрок“ е најголемиот инвеститор во „Уни кредит“ и третиот најголем во „Комерцбанк“.
Прочитај повеќе
„Уникредит“ ќе побара од ЕЦБ дозвола да купи 30 отсто од „Комерцбанк“
Италијанскиот кредитор во следните неколку дена најверојатно ќе поднесе барање до ЕЦБ, која е главен регулатор на банкарскиот сектор во еврозоната.
17.09.2024
„Комерцбанк“ подготвува одбрана за можното преземање од страна на „Уникредит“
Се очекува претставниците на вработените да направат заеднички напори за да изградат политичка поддршка за отфрлање на обидот за преземање.
12.09.2024
Овие коментари од шефот на најголемиот управувач со средства во светот доаѓаат откако „Уни кредит“ неодамна изгради удел од 21 отсто во „Комерцбанк“. Андреа Орсел, извршниот директор на италијанската банка, изјави дека целосно преземање е опција, нарекувајќи го својот пристап „тест-случај за Европа“.
Но, брзото зголемување на уделот предизвика незадоволство кај германската влада, која поседува 12 отсто од „Комерцбанк“. Канцеларот Олаф Шолц го спореди тоа со „непријателски“ потег. Италија ја поддржа „Уни кредит“, наведувајќи дека зделката би била во согласност со целите на Европската Унија за зголемување на интеграцијата.
Извршните директори на двете банки - Орсел и Бетина Орлоп - имаа состанок во петокот, каде што Орлоп ја објасни нејзината стратегија во однос на германската банка, објави „Блумберг“ (Bloomberg).
Александра Анеке, портфолио-менаџерка во германскиот управувач со средства „Унион инвестмент“ (Union Investment), минатата недела изјави дека „Комерцбанк“ треба да има „отворен дијалог“ со „Уни кредит“. „Унион“ е меѓу 15-те најголеми акционери во „Комерцбанк“.
Аналитичарите на „Ситигруп“ (Citigroup Inc.) во белешка во четвртокот наведоа дека „Уни кредит“ најверојатно ќе ја добие поддршката на институционалните акционери доколку поднесе понуда за преземање на германската банка. Спојот на овие две банки е најверојатното сценарио во моментов, изјавија аналитичарите.
„Јас сум голем поборник во унијата на банкарскиот и капиталниот пазар“, изјави Финк на настанот во вторникот.
.webp){kind=icon}
