Аплицирањето за нова работа бара посебно изработено CV за да ги импресионира менаџерите за вработување и да ги покаже вашите вештини.
Регрутерите во основа ја секнираат вашата биографија околу седум секунди, според Џејмс Рид, претседател на компанијата за регрутирање на работници The Reed Group. Само еден краток поглед би можел да одлучи кој ќе биде отстранет од списокот на апликанти, а правописните грешки се најлесниот начин да се започне со кратење.
Во продолжение, ова се важни деловни совети за тоа што да избегнувате, според експертите за човечки ресурси интервјуирани од Bloomberg.
Колку долго треба да биде CV-то?
Приложувањето на целото ваше животно искуство на бескрајно долги страници е првата грешка што можете да ја направите. Не го правете вашето CV премногу долго.
Идеално, треба да биде помеѓу две и три страници. Гајел Блејк од компанијата за регрутирање Hays вели дека идеалната должина е две и пол страници. Можете да ставите сè, но сепак да останете концизни.
„Во денешно време за CV-ата важи максимата 'помалку е повеќe' бидејќи сега го имаме LinkedIn“, вели Шели Крејн, која работи во агенцијата за вработување Robert Half. Таа гледа стотици CV-a неделно и вели дека за неа е исцрпувачки кога треба да следи долга низа на податоци и информации.
Кои се најдобрите фонтови за CV?
Користењето на нешто што е тешко читливо е уште еден лош потег. Дизајнот може да покаже дел од вашата личност, но оние кои тешко се читаат го прават процесот подолг, одземајќи им време на регрутерите.
За фонтот, Блејк советува да користите Arial или Calibri бидејќи тие се „многу едноставни“. Консензусот е дека не сакате да ја иритирате личноста која стои на патот меѓу вас и интервјуто.
Кој е најдобриот образец за CV?
Размислувате да започнете со листа во која се набројуваат сите ваши неодамнешни достигнувања? Размислите повторно. Не правете грешка да ги наведете само во еден блок, вели Крејн. Наместо тоа, вметнете по нешто од вашите успеси во секој дел, како во минатото работно искуство, така и во делот за образование.
Рид препорачува шаблон за „класично CV“, со наведување на податоците за работното искуство по обратен хронолошки редослед со образованието подолу. Сепак, постојат неколку исклучоци од правилото како што се: неодамна дипломираните лица, луѓе кои имаат големи празнини во вработувањето или ја менуваат професијата. Тогаш има простор за ротација за да се истакнат други аспекти од вашиот сет на вештини.
„Вашата најнова, тековна или претходна улога е онаa што треба да биде на врвот и таму треба да ги наведете вашите успеси“, вели Крејн. Таа, исто така препорачува да вклучите метрика за тоа како сте придонеле на секое работно место.
Дали треба да вклучам хоби и интереси во моето CV?
Според експертите, наведувањето на хоби или интереси е малку поконтроверзно. Сепак, тие имаат одреден консензус околу тоа сè што е ставено на вашето CV да биде релевантно и со намера.
Блејк, кој се стреми кон вклучување на хобито, вели дека тоа „може да биде многу важно и релевантно“ - ако се искористи правилно. Ако не сте сигурни, размислете дали хобито прилега за самата работа пред да го вклучите.
Кој вовед да го искористам за да го испратам моето CV по е-пошта?
Прво, не правете грешка да го испратите CV-то без „subject“. Проверете дa не сте го заборавиле пред да притиснете „send“.
Започнете со назнака дека мејлот е апликација, а потоа наведете ја и позицијата за која аплицирате, советува Крејн. Ако сакате да го истакнете вашето име меѓу регрутерите, важно е да наведите во кое поле работите или улогите што ги сакате.
Блејк препорачува прво да се запознаете со регрутерите во вашето поле пред да испратите е-пошта. На овој начин ќе научите за позициите кои ги нудат, па нема механички да испраќате пораки за работи кои не постојат. Тоа го олеснува и пишувањето на мејлот и на воведот.
Дали сè уште е потребно мотивационо писмо заедно со CV-то?
Мотивационите писма што не вклучуваат релевантни информации изоставени во главната содржина на вашето CV се исто така грешка. Можете да го искористете за подобро да ја претставите вашата личност. Во спротивно, можеби е подобро да го прескокнете.
Сепак, овој совет не е универзален. Рид вели дека ако сакате да покажете поголема посветеност, во ред е да испратите мотивационо писмо дури и кога тоа не е прецизирано. Но, погрижете се да биде концизно.
Затоа погрижете се и вашето CV и вашиот LinkedIn да бидат што е можно поажурирани и да го презентирате најдоброто од себе. Што е најважно - секој дел од апликацијата направете го концизен.
.webp){kind=icon}
