.webp){kind=icon}
Застапеноста на жените на високи позиции во американските компании е на значителна пресвртница, бидејќи претходно стабилниот раст покажува знаци на опаѓање за првпат по две децении, се наведува во новиот извештај.
Жените сочинуваат 11,8 отсто од приближно 15.000 позиции во највисокото раководство (т.н. C-suite) на компаниите вклучени во индексот на вкупниот пазар на S&P во 2023 година, велат истражувачите. Ова е пад од 12,2 отсто од претходната година, што укажува на тоа дека жените изгубиле меѓу 55 и 60 раководни позиции од мажите во тој период.
Иако овој апсолутен пад може да изгледа мал, тој е значаен ако се има предвид дека застапеноста на жените во врвниот менаџмент се зголемува со години, од првичните 6,5 проценти во 2005 година. Во поширокиот опсег на високи позиции, бројките се зголемија речиси тројно, на 22,3 проценти во 2023 година.
Сара Котл, шефица на податоци и увид во „Ес енд Пи глобал маркет“ (S&P Global Market Intelligence), вели дека ненадејната загуба на жени во врвниот менаџмент е особено разочарувачка. „Не станува збор само за губење на замавот туку и за губење позиции“, истакнува таа.
Авторите на извештајот не прецизираа зошто растот на застапеноста на жените забавува, но забележаа слабеење на фокусот на компаниите на иницијативите за различност во работната сила, со сè помалку споменување на различноста и вклучување во презентацијата на финансиските резултати. Од минатата година компаниите ги реевалуираат програмите за различност, правичност и инклузија, вклучувајќи ги и оние што имаат цел да ги подигнат жените на лидерски позиции, додека се борат со правни нејаснотии и политички реакции од конзервативните активисти што се обидуваат да ги задушат.
Bloomberg Mercury
Истражувачите на „Ес енд Пи“ истакнуваат дека забавувањето на растот на застапеноста на жените во врвниот менаџмент датира од пред неколку години. Други студии покажаа дека многу жени на високи позиции ги напуштиле лидерските позиции по пандемијата, наведувајќи ги стресот и исцрпеноста како причина, додека работодавците ги усвоиле задолжителните норми за враќање во канцеларија. Многу жени исто така се откажуваат за подобри можности, каде што им се обезбедуваат поголема флексибилност и поинклузивно работно место, според истражувањето од 2022 година спроведено од „Мекинзи“ за групата за застапување на жените „Линин“ (LeanIn.Org.).
Најновите податоци од „Ес енд Пи“ значително ги менуваат проекциите за тоа кога жените ќе го достигнат нивото со мажите на лидерски позиции, напишаа истражувачите, при што моделите сугерираат дека некогаш експоненцијалниот раст на застапеноста на жените веројатно ќе забави. Тие сега предвидуваат родова еднаквост во највисокото раководство помеѓу 2055 и 2072 година, од пет до седум години подоцна од она што го предвидоа користејќи ги бројките за 2022 година.
„Интересите на жените генерално повеќе се опслужуваат во заедницата отколку од компаниите што ги вработуваат на високи позиции“, рече Котл „Се надевам дека тоа е аномалија“.
