Две американски банки го ограничуваат работното време на младите банкари

Банката на Америка (Bank of America Corp.) и „ЏП Морган“ (JPMorgan Chase & Co.) планираат да го ограничат бројот на работни часови за помладите банкари и да го зголемат надзорот како тие го минуваат своето работно време, пишува „Волстрит журнал“ (Wall Street Journal).

„ЏП Морган“ ќе го ограничи работното време на 80 часа неделно, пишуваат медиумите, повикувајќи се на извори запознаени со плановите на компанијата. Банката на Америка воведува нова алатка за следење на часовите на банкарите на почетно ниво, се додава во извештајот.

Зголемениот обем на работа ги доведува во прашање ветувањата на банките, кои пред неколку години се обврзаа да обезбедат повеќе време за одмор на кадарот што е на почеток на кариерата и на тој начин да му помогнат да го зачува своето здравје. Смртта на Лео Лукенас, кој работеше за Банката на Америка и почина од срцев удар во мај, го врати ова прашање во центарот на вниманието на јавноста.

Претставниците на двете банки не одговорија веднаш на прашањата на „Блумберг“ (Bloomberg).

Банката на Америка соопшти дека нејзиниот менаџмент е загрижен за здравјето на своите помлади банкари и дека фирмата редовно ги прегледува своите внатрешни политики за да се увери дека нивното здравје не е загрозено.

Ова неделно ограничување на бројот на работни часови би било прво за „ЏП Морган“, а слично ограничување е во сила и за медицинскиот персонал во Њујорк. Во одлуката се предвидуваат и исклучоци, како што е договор што треба да се склучи, се наведува во извештајот.

Во моментов нема коментари за веста. Биди прв да коментира...

Остави коментар