„Rolls-Royce“ претстави целосно нов електричен модел на „Spectre 18“ и со тоа зачекори кон исполнување на ветувањето дека до 2030 година ќе продава само електрични возила. „Spectre 18“ беше презентиран во јавноста на 18 октомври во седиштето на компанијата во Гудвуд Хаус во Англија.
„Целта не е да произведеме само едно вакво возило па да се вратиме на 12-цилиндричните бензинци. Сакаме до крајот на 2030 година да преминеме исклучиво на електрични автомобили, но чекор по чекор. Затоа развојот на овој модел е многу скап. Тоа е голема инвестиција“, рече Торстен Милер Отвос, главен извршен директор на „Rolls-Royce“.
Директорот не прецизираше колку пари инвестирала компанијата во производството на „Spectre 18“, чие тестирање започна уште во 2011 година. Но, изјави дека „Spectre 18“ може да ја оствари истата профитна маржа како и лимузините „Phantom“ и „Ghost“.
„Не би било прифатливо да имаме различни маржи само затоа што преминуваме на електрична енергија. Сакаме да останеме на исто ниво на профитабилност на кое што сме и сега, а добро сме профитабилни. Тоа е патот за натамошниот развој на компанијата“, рече генералниот директор.
Оваа најава на „Rolls-Royce“ обезбедува силен исчекор на пазарот на ултралуксузните автомобили. Во јануари „Bentley“ најави дека ќе потроши 3,4 милијарди долари за произвдство на пет целосно електрични возила, почнувајќи од 2025 година и префрлувајќи се на тој начин на целосно електрично портфолио до 2030 година. Со „Spectre 18“ компанијата “Rolls-Royce“ го претекна својот главен ривал во лансирањето на првиот целосно електричен ултралуксузен модел на пазарот.
„Spectre 18“ произведува 577 коњски сили со 664 обрти во секунда. Брзина од 100 километри на час постигнува за 4,4 секунди, а максимално вози 250 километри на час. Вкупниот домет е 420 километри, а времето на полнење од 10 на 80 проценти се проценува на 34 минути.
Rolls-Royce
Милер Отвос напоменува дека поголем дел од сопствениците на „Rolls-Royce“ никогаш нема да ги користат јавните центри за полнење со струја на возилата. „Мнозинството од нашите клиенти имаат електрични автомобили во гаражите и во просек имаат по седум возила, па ги полнат дома или во своите канцеларии“, вели тој.
Инаку, само опремата за пригушување на звукот кај „Spectre 18“ е тешка повеќе од 700 килограми и ја зголемува вкупната тежина на автомобилот на 3.000 килограми.
Поставен на 23-инчни тркала и со специфичен стил на каросерија, електричниот автомобил „Spectre“ е подолг и потежок од „Wraith“ и потсетува на купето „Phantom“ што „Rolls-Royce“ го произведуваше од 2008 до 2016 година.
Кројот на целосно новите предни седишта е инспириран од британското знаме, а доаѓа во контраст со боите на ентериерот. Двобојниот ефект од деби моделот е достапен меѓу повеќе од 44.000 опции и комбинации на бои, а „Rolls-Royce“ го препорачува изгледот на дебитантскиот модел бидејќи ја нагласува беспрекорната линија што се протега долж целото возило.
„Според мое мислење секое возило би требало да биде двобојно“, вели директорот за дизајн Андерс Варминг, напоменувајќи дека „Rolls-Royce“ одлучи своето прво електрично возило да го претстави во каросериската изведба на купеа, а не на лимузини или „SUV“.
Rolls-Royce
„Spectre“ го влече своето име од далечната историја на „Rolls-Royce“. Имено, во 1910 година марката направи демо автомобил именуван како „Silver Spectre“. До 1936 година направија 9 експериментални автомобили под кодното име „Spectre“ пред моделот да влезе во производство под официјалното име „Phantom III“. Ова е прв пат тоа име да е доделено на возило наменето за сериско производство.
Во однос на цената, „Spectre“ ќе биде сместен меѓу 350.000 долари вредниот „Cullinan SUV“ и 460.000 долари вредниот „Phantom sedan“, рече портпаролот на компанијата.
Според генералниот директор, производството на електричниот автомобил ќе биде помало од серијата на „Cullinan“ и „Ghost“, но ќе го надмине производството на “Phantom“. Повеќе од 300 клиенти веќе се поединечно поканети да го разгледаат автомобилот.
„Денешниот број на нарачки е добар и многу охрабрувачки“, заклучи Милер Отвос и откри дека испораките почнуваат во четвртиот квартал од 2023 година.
.webp){kind=icon}
Во моментов нема коментари за веста. Биди прв да коментира...