.webp){kind=icon}
Илон Маск почна да го подготвува теренот за една рунда на отпуштања во компанијата „Твитер“ (Twitter), само неколку дена откако ја презеде сопственоста на социјалната мрежа.
Милијардерот, кој ја заврши својата аквизиција од 44 милијарди долари во четвртокот, побарал од менаџерите да подготват списоци на членови на тимот кои би можеле да бидат отпуштени, според извор на Bloomberg.
Намалувањето на бројот на вработени би можело да започне уште во текот на викендот, објави претходно „Њујорк Тајмс“ (New York Times). Претставник на Twitter со седиште во Сан Франциско во саботата не одговорил веднаш на барањето за коментар.
Прочитај повеќе
Еврокомесар го предупреди Маск: 'Птицата ќе лета по наши правила'
Европскиот комесар Тиери Бретон се огласи на „Твитер“ за да испрати предупредување до новиот сопственик на платформата.
29.10.2022
Маск го откупи 'Твитер' и веднаш го отпушти раководството
Преземањето го означува крајот на шестмесечната сага за тоа дали зделката ќе се оствари.
28.10.2022
Договор со Твитер би отворил пат за идејата на Маск 'Х, апликација за сè'
Илон Маск понуди да го купи „Твитер“ по првичната цена од 54,20 долари по акција, што би му помогнало да избегне судска вмешаност.
05.10.2022
Маск сака да отпушти 75 отсто од 7.500 вработени во 'Твитер'
Маск веќе спомена отпуштања во компанијата пред неколку месеци.
21.10.2022
Загриженост за масовни отпуштања се појави во пресерет на трансакцијата за преземање на компанијата, кога на потенцијалните инвеститори им беше кажано дека Маск ќе елиминира 75 отсто од работната сила, која во моментот е близу 7.500 вработени. Маск подоцна негираше дека намалувањата ќе бидат толку длабоки, иако не ги елаборираше плановите за отпуштања.
Намалувањето може да биде поблиску до 50 отсто од работната сила, објави во саботата „Вашингтон пост“ (Washington Post). Меѓу првите сектори кои би биле засегнати веројатно е оној за легислатива, доверба и безбедност, оддел која го надгледува модерирањето на содржината, пишува весникот.
Маск веќе отпушти голем дел од раководството на Twitter, вклучувајќи го главниот извршен директор, главниот финансиски директор и двајца високи правни службеници. Тој планира самиот да биде извршен директор во блиска иднина, според луѓе запознаени со ова прашање.
Во последниве недели, Маск ги навести своите кадровски приоритети, велејќи дека сака да се фокусира на основниот производ. „Ќе владеат софтверското инженерство, работата на серверите и дизајнот“, напиша тој на Twitter на почетокот на октомври. Некои вработени се поканети на состанок на персоналот в среда, а некои не, тврдат извори запознаени со ситуацијата. Ова предизвикало сомнеж за тоа кои тимови ќе бидат отстранети.
