.webp){kind=icon}
Иако изминатите две недели ги помина давајќи интервјуа за медиумите, поранешниот извршен директор на FTX, Сем Бенкмен-Фрид, е повоздржан кога станува збор за појавување пред Конгресот за да разговара за колапсот на неговата империја за криптовалути.
Банкмен-Фрид во понеделникот рече дека „нема планови“ да присуствува на сослушување на комитетот за банкарство при Сенатот на 14 декември, иако ќе сведочи на посебно сослушување пред панел на Претставничкиот дом еден ден порано.
„Отворен сум и подготвен“ да разговарам со претседателот на комитетот на Сенатот за сослушување доколку моето присуство се смета за важно, посочи Банкмен-Фрид за време на интервју на „Твитер“. Тој минатата недела го пропушти рокот одреден од комитетот на Сенатот да одговори на барањето за сведочење.
Прочитај повеќе
Банкмен-Фрид живее со последните 100 илјади долари, по загубата на 26 милијарди
Сем Банкмен-Фрид, кој во еден момент „тежеше“ 26 милијарди долари, вели дека сега нема „речиси ништо“.
01.12.2022
FTX на најголемите доверители им должи над три милијарди долари
Десет клиенти имаат побарувања поголеми од 100 милиони долари, секој посебно.
21.11.2022
Новиот шеф на FTX го откри хаосот што зад себе го оставил Банкмен-Фрид
Советниците кои го надгледуваат колапсот на FTX Group објавија неверојатен список на обвинувања против поранешното раководство.
18.11.2022
Банкмен-Фрид на 'Твитер' ја објасни својата страна од приказната за FTX
Поранешниот извршен директор на FTX.com, на „Твитер“ објави за деновите на колапсот.
17.11.2022
Открива ли пропаста на FTX нови Понзи-шеми во крипто-светот?
Сем Бенкмен-Фрид неодамна го опиша бизнисот како „кутија“ која има вредност само затоа што другите луѓе ставаат пари во неа
15.11.2022
Банкмен-Фрид, кој се наоѓа на Бахамите, потврди дека ќе присуствува на сослушувањето пред комитетот за финансиски услуги на Претставничкиот дом преку видео повик в вторник. Покрај него, како сведок беше наведен и актуелниот извршен директор на FTX, Џон Џеј Реј Трети, се вели во соопштение за печатот. Сослушувањето, закажано за 10 часот во Вашингтон, ќе биде поделено на два дела. Во едниот дел ќе сведочи Банкмен-Фрид, а во другиот Реј.
Bloomberg Mercury
Во центарот на управната и кривичната постапка за колапсот на FTX се прашањата за тоа дали криптоберзата незаконски управувала со средства на клиентите со тоа што ги позајмувала на сестринската компанија „Аламеда рисрч“ (Alameda Research) за да преземе ризични облози.
Банкмен-Фрид, кој не е обвинет за никакви кривични дела, негираше дека се обидел да изврши измама, иако бил виновен за сериозни менаџерски грешки во FTX.
