.webp){kind=icon}
Американските регулатори го обвинија ко-основачот на FTX, Сем Банкмен-Фрид, дека во текот на неколку години водел шема за измама на инвеститорите, собирајќи повеќе од 1,8 милијарди долари.
Прочитајте повеќе: Сем Банкмен-Фрид уапсен на Бахамите
Комисијата за хартии од вредност (The U.S. Securities and Exchange Commission - SEC) во вторникот соопшти дека Банкмен-Фрид, кој беше уапсен на Бахамите и се соочува со кривична пријава во САД, го криел степенот на поврзаност меѓу FTX и неговата трговска фирма „Аламеда рисрч“ (Alameda Research). SEC, исто така, наведе дека тој користел средства од клиентите.
Прочитај повеќе
Банкмен-Фрид не планира да сведочи пред сенаторите
Фрид ќе сведочи на посебно сослушување пред панел на Претставничкиот дом еден ден порано.
13.12.2022
Банкмен-Фрид живее со последните 100 илјади долари, по загубата на 26 милијарди
Сем Банкмен-Фрид, кој во еден момент „тежеше“ 26 милијарди долари, вели дека сега нема „речиси ништо“.
01.12.2022
Бенкмен-Фрид со извинување до вработените: Не сакав да биде вака
Сем Бенкмен-Фрид, обесчестениот основач на сега пропаднатата криптоберза FTX, во писмо му се извини на персоналот.
23.11.2022
FTX на најголемите доверители им должи над три милијарди долари
Десет клиенти имаат побарувања поголеми од 100 милиони долари, секој посебно.
21.11.2022
Новиот шеф на FTX го откри хаосот што зад себе го оставил Банкмен-Фрид
Советниците кои го надгледуваат колапсот на FTX Group објавија неверојатен список на обвинувања против поранешното раководство.
18.11.2022
„Тврдиме дека Сем Бенкмен-Фрид изградил куќа од карти врз основа на измама, додека на инвеститорите им кажувал дека тоа е една од најбезбедните креации во крипто-сферата“, посочи во изјава претседателот на SEC, Гери Генслер.
Банкмен-Фрид пренасочил милијарди долари од средствата на клиентите за да помогне во развојот на неговите други ентитети, посочува SEC во својата жалба поднесена во вторникот до судот во Јужниот округ во Њујорк. Во жалбата на SEC се наведува дека FTX собрала повеќе од 1,8 милијарди долари, вклучително и 1,1 милијарди долари од околу 90 инвеститори со седиште во САД, во „оркестрирана шема за измама на инвеститорите со капитал“ кои купувале врз основа на верувањето дека FTX има соодветни контроли.
На Alameda Research ѝ било дозволено да носи негативно салдо на FTX и била изземена од протоколите за ризик на берзата, се наведува во жалбата. SEC посочува дека Банкмен-Фрид лично наредил т.н. „risk engine“ на FTX да не важи за Alameda и го криел степенот на поврзаност меѓу двата ентитета од инвеститорите.
Мрежата на делување на Банкмен-Фрид / Bloomberg
SEC тврди дека дури и минатиот месец, Банкмен-Фрид продолжил да ги манипулира инвеститорите кога се обидувал да пополни дупка од неколку милијарди долари додека FTX не можелa да ги исполни барањата за повлекувања од страна на клиентите. Сето тоа престанало дури откако FTX и Alameda поднеле барање за заштита од банкрот на 11 ноември, посочува регулаторот.
SEC се обидува да му забрани на Банкмен-Фрид да настапува како службеник или директор на јавно претпријатие или да нуди крипто и други хартии од вредност. Агенцијата се обидува да го принуди да го предаде својот незаконски стекнат имот.
