.webp){kind=icon}
Сем Бенкмен-Фрид, обесчестениот основач на сега пропаднатата криптоберза ФТХ (FTX) и трговската куќа „Аламеда Рисрч“ (Alameda Research), му се извини на персоналот во писмо во кое наведува за пад на колатералот од 60 милијарди на 9 милијарди долари.
„Не сакав ништо од ова да се случи и би дал сè за да можам да се вратам наназад и одново да ги направам работите“, напишал тој во пораката испратена до вработените во вторникот, а во која увид имал и Bloomberg News.
„Падот на пазарите на дигитални средства во текот на пролетта приближно го преполови колатералот на 30 милијарди долари, додека обврските беа 2 милијарди долари“, посочува тој.
Прочитај повеќе
Пријавата за стечај на FTX покажа готовинско салдо од 1,24 милијарди
Пропаднатата берза за криптовалути и бројните поврзани бизниси имале вкупно готовинско салдо од 1,24 милијарди долари.
22.11.2022
FTX на најголемите доверители им должи над три милијарди долари
Десет клиенти имаат побарувања поголеми од 100 милиони долари, секој посебно.
21.11.2022
Новиот шеф на FTX го откри хаосот што зад себе го оставил Банкмен-Фрид
Советниците кои го надгледуваат колапсот на FTX Group објавија неверојатен список на обвинувања против поранешното раководство.
18.11.2022
Банкмен-Фрид на 'Твитер' ја објасни својата страна од приказната за FTX
Поранешниот извршен директор на FTX.com, на „Твитер“ објави за деновите на колапсот.
17.11.2022
Открива ли пропаста на FTX нови Понзи-шеми во крипто-светот?
Сем Бенкмен-Фрид неодамна го опиша бизнисот како „кутија“ која има вредност само затоа што другите луѓе ставаат пари во неа
15.11.2022
Големите инвеститори ја изгубија довербата во криптото
Многу професионални менаџери велат дека можноста криптото да биде диверзификатор на портфолиото е загрозена
13.11.2022
Комбинацијата од затегнувањето на кредитот и дополнителната продажба на виртуелни монети остави колатерал од 9 милијарди долари пред банкротот на FTX на 11 ноември, пишува Бенкмен-Фрид. Воедно додава дека проценката за обврските дотогаш достигнала 8 милијарди долари.
„Не го сфатив целосниот обем на позицијата на маржата, ниту пак ја сфатив големината на ризикот од хипер-корелиран пад“, посочува Банкмен-Фрид. Тој не наведува прецизни детали за составот на колатералот или обврските.
FTX и Alameda Research, две компании кои некогаш важеа за столбови на криптопазарот, месецов згаснаа со неверојатана брзина. Тековите на пари во заплетканата мрежа на ентитети поврзани со FTX се во сржта на прашањето дали берзата присвоила и нелегално користела средства од клиентите.
Мрежата на делување на Банкмен-Фрид / Bloomberg
Досегашната стечајна постапка прикажа слика на бизнис со невообичаено лабава документација и финансиски контроли, со барања за плаќање одобрувани со емотикони во „чет“ апликации и FTX фондови користени за купување домови и други лични предмети за вработените и советниците.
Банкмен-Фрид напиша: „потенцијален интерес за финансирање од милијарди долари дојде приближно осум минути откако ги потпишав документите за Поглавјето 11“.
Додека тој тврди дека тоа можело да помогне да се спаси FTX и да се врати „голема вредност“ кон клиентите, судските поднесоци укажуваат на хаотична организација со длабоки проблеми.
Во продолжение, копија од писмото упатено од Банкмен-Фрид:
Bloomberg
