Рационализацијата на операциите во индустрија со високи трошоци и ниски приноси, во услови на бројни промени воопшто не е лесно. Погледнете ја компанијата „Форд“ и нејзината Фиеста.
Овој речиси 50-годишен модел беше еден од најпопуларните во Европа. Пред помалку од една деценија, производителот на автомобили го прослави моделот кој стана најпродаваниот автомобил во Велика Британија на сите времиња.
На крајот на минатата година, „Форд“ емотивно се збогуваше со фиестата. А до 2025 година, тој има намера да го стори истото со компактниот фокус.
Многу е напишано за тоа како преминот кон батерии и надградбите на софтверот ќе влијае на автомобилите со мотори со внатрешно согорување. Фиестата и фордот се доказ дека сега се случува ваков хаос кој одамна беше предвиден.
Сè започна во 2018 година, кога „Форд“донесе радикална одлука да се оддалечи од производство на целосна линија на автомобили, ограничувајќи ја линијата на патнички автомобили на модели со повисоки перформанси како Мустанг. Со цел да ги покрие огромните трошоци за развој на електрични возила, Форд мораше да ги префрли средствата на џиповите и камионите кои всушност заработуваат пари.
Трансформацијата траеше подолго за да стигне во Европа, каде што пикап возилата не се феномен каков што се во САД, и каде што помалите автомобили сè уште се продаваат многу.
Bloomberg
Но, иако компактните и субкомпактните сегменти во Европа се сè уште важни, тие се крајно фрагментирани. Осум од единаесетте најпродавани модели на континентот минатата година биле мали автомобили. Најпродаваниот Peugeot 208 и Dacia Sandero, кој го следи, беа единствените два модели кои имаа нешто повеќе од 200.000 регистрации. Десетици други модели надминаа 100.000 регистрации.
Во европските земји постои страв дека се повеќе производители на автомобили ќе го следат примерот на Форд и ќе одлучат дека не вреди да се борат за овие приноси, кои се или ниски или ги нема. Производителот на автомобили сега додава други модели во монтажните погони каде што се произведуваше фиеста, но фабриката во Сарлуис, Германија ќе изгуби дел од бизнисот кога и фокус ќе биде исфрлен од употреба.
Германскиот електрометалуршки синдикат ИГ Метал тврди дека Форд планира да укине 3.200 работни места во Европа и да префрли одредени работи за развој на производи во САД. Разбирливо има стравувања од дополнителни загуби во Сарлуис, каде што моралот е на најниско ниво кај близу 4.500 работници.
Производителот на автомобили минатиот јуни одлучи да произведува електрични возила во Валенсија, Шпанија, наместо во Сарлуис, делумно затоа што платите во близина на Медитеранот се поконкурентни. Компанијата е во преговори со околу 15 потенцијални инвеститори за фабриката во Германија, меѓу кои и кинескиот производител на автомобили BYD.
Од Форд одбиваат да коментираат за кратењето на работните места во развојот на производите, како и за преговорите со потенцијалните инвеститори, а портпаролот рече само дека не се донесени никакви одлуки.
Понатамошното повлекување на автомобилите на Форд ќе биде болно за гледање. Нејзината линија на достапни и сигурни мали автомобили и седани со децении е потпора за студентите во Европа, младите професионалци и семејствата. Познато е дека принцезата Дијана имала црн Escort RS и дека повеќе сакала да го вози сама отколку да ја возат.
Од Форд не ги кријат емоциите за фактот дека автомобилите како Fiesta заминуваат. Во двоминутната снимка, која беше објавена во октомври, еден човек вози дома за да му прочита на својот внук приказна пред спиење за „народен автомобил“.
„Понекогаш одеше брзо, понекогаш бавно, но секогаш, секогаш одеше“, читал дедото. „Се додека еден ден, веќе не одеше. Не затоа што не можеше, не затоа што не сакаше, туку едноставно неговата работа беше завршена“.
На видеото потоа се гледа стар модел на Fiesta на патеката, а потоа се отвора гаражата, од која излегува Форд кој работи на батерии, а на ѕидот има електричен полнач. Следната приказна само што почнува.
.webp){kind=icon}
