„Тојота мотор“ (Toyota Motor Corp.) произведе и продаде рекорден број возила во јуни, објави компанијата, а значајниот раст се поврзува со стабилизацијата на ситуацијата околу набавката на полупроводници и други делови.
Глобалната продажба - вклучувајќи ја и онаа на подружниците „Дајхатсу мотор“ (Daihatsu Motor Co.) и „Хино моторс“ (Hino Motors Ltd.) - се зголеми за 9 проценти, до 968.801 автомобил во јуни, објави „Тојота“ денеска. Месечното производство се зголемило речиси за 10 отсто, на нешто повеќе од еден милион возила.
Продажбата најмногу се зголемила во Јапонија, Африка, Европа и Северна Америка. Сепак, продажните приходи се намалени речиси за 13 отсто во однос на претходната година во Кина, каде што поради тоа што немаат доволно електрични модели, глобалните производители на автомобили, како „Тојота“ и „Фолксваген“ (Volkswagen AG, го губат тлото пред домашните производители на автомобили, како BYD Co на пример.
Производството во Кина падна за 18 отсто, на 167.987 возила. „Тојота“ претходно оваа недела соопшти дека отпуштила приближно 1.000 работници под договор во фабриката во Кина.
Во компанијата претходно оваа година имаше промена во менаџментот, нешто што не се случува често, проследена со рекламна кампања за подобрување на расположението на јавноста кон нивната стратегија за електрични возила и да ги убеди акционерите дека ќе ги исполни минатите ветувања за брзо проширување на производството на електрични возила на батерии.
Глобалното производство на групацијата достигна рекордни 5,6 милиони автомобили во првата половина на 2023 година, соопшти производителот на автомобили. Во текот на тие шест месеци, глобалната продажба на електрични возила на батерии се зголеми за 517 отсто во однос на минатата година и дојде на ниво од 46.171 автомобил.
Откако поранешниот шеф на „Лексус“ (Lexus) Коџи Сато го презеде кормилото во април, најголемиот светски производител на автомобили, ако се анализира продажбата, вети дека ќе продава 1,5 милион електрични возила годишно до 2026 година. Претходно вети дека ќе продадат 3,5 милиони до 2030 година. Сепак, од јапонскиот производител тврдат дека светот не е подготвен уште за целосна промена кон електрични возила. Во меѓувреме, „тесла“ (Tesla Inc.) и BYD на Илон Маск се јасни фаворити на растечкиот пазар на електрични возила.
Заработката за „Тојота“ за последниот квартал ќе биде објавена следната недела.
.webp){kind=icon}
Во моментов нема коментари за веста. Биди прв да коментира...