Од компанијата „Тесла“ (Tesla Inc.) во понеделникот соопштија дека финансискиот директор Захари Кирхорн поднел оставка по 13 години работа во компанијата.
Директорот на сметководството Ваибхав Танеја ја презеде и оваа улога, иако тој продолжува да ги извршува своите редовни должности, посочува компанијата во поднесок до Комисијата за хартии од вредност (SEC).
Кирхорн, кој беше на позицијата финансиски директор во претходните четири години, ќе остане на функцијата до крајот на годината за „промената да оди непречено“, додаваат од компанијата.
Акциите на „Тесла“ паднаа по оваа објава и во 9.22 часот по њујоршко време изгубија 2,22 отсто од својата вредност.
Што се однесува на кариерата на Танеја, тој беше и на други позиции во „Тесла“, а во улога на главен сметководител е од 2019 година.
Пред доаѓањето на Кирхорн, „Тесла“ имаше проблеми со финансиите, а во еден квартал се случуваше да потроши и по милијарда долари, Од неговото пристигнување, „Тесла“ е постојано профитабилна и исплати долг од 10 милијарди долари во последните три години, што ѝ помогна на компанијата да го одржи својот кредитен рејтинг.
.webp){kind=icon}
