Преземањето на шведската групација „Етравели“ (Etraveli) од страна на „Букинг холдингс“ (Booking Holdings Inc.), вредно 1,6 милијарда евра, беше блокирано од Европската Унија, откако регулаторите за преземања заклучија дека предложената аквизиција ќе му наштети на пазарот на онлајн туристички агенции.
Европската комисија во понеделникот соопшти дека договорот ќе ја зајакне доминантната позиција на „Букинг“ и ќе ризикува „повисоки трошоци за хотелите и, можеби, за потрошувачите“.
Ветото „значи дека европските хотели и патниците нема да бидат дополнително ограничени во достапните опции за да ги понудат своите услуги и да ги резервираат своите патувања“, наведе Дидие Рејндерс, привремениот комесар на ЕУ за конкуренција, во изјава испратена по електронска пошта. „Ова исто така значи дека поривот за конкурентни цени и за иновации ќе биде зачуван во овој важен дел од туристичката индустрија“.
Според договорот што беше објавен во ноември 2021 година, „Букинг“ требаше да го купи „Етравели“, чија основна дејност се фокусира на онлајн продажба на летови. „Букинг холдингс“ со седиште во Делавер - има пакет на добро познати брендови под своето знаме, вклучувајќи ги „Букинг“ (booking.com), „Кајак“ (Kayak) и „Рентал карс“ (Rentalscars.com).
Ветото што може да го постави ЕУ сè уште е реткост, при што претставниците на телото за пазарна конкуренција генерално се одлучуваат за правни лекови што ги коригираат сите ризици за фер конкуренција наместо да даваат директни забрани.
Но, во последниве години, ЕУ стави вето на понудата на „Хјундаи хеви индустрис“ (Hyundai Heavy Industries Co.) за „Даеву шипбилдинг и Марин инженеринг“ (Daewoo Shipbuilding & Marine Engineering Co.) и „Илумина“ (Illumina Inc.) за преземање во вредност од 7 милијарди долари на компанијата што нуди тестови за рак „Грел“ (Grail Inc.)
Комисијата рече дека правните лекови понудени од „Букинг“ „неадекватно одговориле на нејзините грижи за конкуренцијата за да може да се заклучи дека конкуренцијата ќе биде зачувана на трајна основа“.
.webp){kind=icon}
