Со амбициозен план за иден раст, компанијата „Нелт СТ“ одбележува 25 години работа на македонскиот пазар. Во услови на глобална криза и силни предизвици на страната на побарувачката, со своите операции овде компанијата планира да ја заврши годината со промет во вкупна вредност од над 60 милиони евра, што е раст од 15 отсто во однос на претходната година. Македонската компанија е дел од „Нелт група“ (Nelt Groupa), која опстојува веќе 30 години и моментално, освен на пазарите во земјите од Западен Балкан, работи и на африканскиот пазар, а веќе и во земјите од Европската Унија - Хрватска и Словенија.
„Потврдуваме амбициозни планови за следната година, во време на сериозни економски предизвици. Но ние и досега сме на сериозната патека на раст, во стратегија во која најмногу се фокусираме на нашите вработени“, изјави Милош Јелиќ, главен извршен директор на „Нелт група“. „Веќе почнавме, а и во иднина ќе се држиме до планот за проширување на инфраструктурните објекти со кои ќе гарантираме и подобри услови за вработените. Остануваме посветени на развојот на сите три сегменти во нашата работа - дистрибуцијата, логистиката, но и развојот на наши брендови“.
Милош Јелиќ/Нелт Група
Во 2022 година групацијата оствари приходи во вредност од 1,165 милијарди евра, а за годинава се очекува раст на бруто-приходот до 1,3 милијарди евра. „Сакаме да сме ефикасни, имаме сериозни цели во поглед на иновациите и дигиталната трансформација, усвоиме ЕСГ-стандарди и постојано сме фокусирани на вработените и новите партнерства“, додава Јелиќ.
Новите партнерства во дистрибуцијата и логистиката и вработувањето нови 70 лица отвориле простор за понатамошен развој и раст и на пазарот во Македонија. Од неодамна домашната компанија има соработка со корпорацијата „Фортенова“ за дистрибуција на брендовите „Јамница“ и „Дијамант“, а годинава ги дистрибуира и „чачански чипс“, „грицко“ и „флипс“ на српскатa компанија „Чипс веј“ (Chips way). Сашко Блажевски, извршен директор на „Нелт група“ за пазарот во Македонија, вели дека компанијата овде бележи континуиран раст од 1998 година, кога почнале со само шестмина. Моментално имаат близу 300 вработени.
„Тоа го постигнавме со нашите партнери, со иновациите и дигитализацијата во делот на синџирите на снабдување. Сепак клучен е фокусот кон нашите вработени, а применуваме корпоративни вредности во кои на прво место се луѓето. Тоа го докажуваме со воведувањето таканаречен ворк-лајф (work-life) баланс-пристап, кој вклучува флексибилно работно време, работа оддома и приватно здравствено осигурување“, вели Блажевски.
„Нелт СТ“ денес дистрибуира глобални лидери во FMCG индустријата, како што се: „ПиГ“ (P&G), „Монделе“ (Mondelez), „Јафа“ (Jaffa), „Банини“ (Banini), „Јакобс“ (Jacobs), „Бик“ (BIC), „Др. Еткер“ (Dr Oetker), „Дурасел“ (Duracell), „Себамед“ (Sebamed) и „Џонсон и Џонсон“ (Johnson & Johnson). Покрај „Јамница“, „Дијамант“ и „Чипс веј“, „Нелт СТ“ го снабдува пазарот со „Неопланта“ (Neoplantа), „Бејби фуд фактори - Нутрино“ (Baby Food Factory -Nutrino) и националниот лидер во својата категорија - „Мамас“ (Mama's).
„Нелт група“ работи со повеќе од 80 принципали, над 100 логистички клиенти, 18 компании на 12 пазари во регионот Адрија и во Африка.
Сашко Блажевски/Нелт НТ
Дарко Лукиќ, извршен претседател на „Нелт група“, вели дека географската експанзија на компанијата е еден од приоритетите. Од пред две години функционира и „Нелт Европа“, со седиште во Хрватска, а растот на хрватскиот и на словенечкиот пазар во овој период е импресивен.
„Отворени сме за голем број соработки и на тоа сме посебно фокусирани. Водечка стратегија на ’Нелт група’ е ’Акселерејт 2025’ (Accelerate2025), која дополнително го изострува фокусот кон дигиталната трансформација. Оваа година секако имаме раст од 12 отсто на продажбата, а растот на пазарниот удел е над 70 отсто. ’Нелт’ во Македонија има раст од 37 отсто, што е над просекот во групацијата, вели Лукиќ.
Дарко Лукиќ/Нелт Група
Членки на „Нелт група“ се „Нелт Ко“, „Нелт БиХ“, „Нерегелиа“, „Нелт СТ“, „Монтеномакс ЦиЛ“, „Јава сторја Србија“, „Нелт Ангола“, „Нелт Замбија“, „Нелт Мозамбик“„Нелт Албанија“ и „Нелт КС“.
.webp){kind=icon}
Во моментов нема коментари за веста. Биди прв да коментира...