.webp){kind=icon}
„Нокиа“ (Nokia Oyj) ќе укине до 14.000 работни места бидејќи намалените инвестиции во мобилната инфраструктура од петтата генерација од американските и европските оператори и создаваат потешкотии на компанијата.
„Тоа претставува намалување од 10 до 15 проценти на трошоците за персоналот и се очекува да се заштедат дури 400 милиони евра (421 милион американски долари) следната година и дополнителни 300 милиони евра во 2025 година“, соопшти компанијата со седиште во Еспо, Финска. „Нокиа“, исто така, објави послаба од очекуваната заработка.
Прилагодената оперативна добивка беше 424 милиони евра (467 милиони долари) во третиот квартал, се вели во соопштението. Тоа е помалку во однос на просечната проценка на аналитичарите од 545,2 милиони евра, според истражувањето на „Блумберг“.
Прилагодената заработка по акција достигна 5 центи, што е помалку од 7. центи проценети од аналитичарите.
По вториот квартал, „Нокиа“ ги намали продажбите за цела година на 23,2 милијарди евра ос 24,6 милијарди евра, со споредлива оперативна маржа во опсег од 11,5 до 13 проценти. Врвот на тој опсег претходно беше 14 проценти.
Производителите на опрема за 5Г (5G) се борат додека операторите во САД и Европската унија се обидуваат да ги намалат капиталните расходи и да ги прилагодат своите залихи. Шведскиот ривал „Ериксон“ (Ericsson AB) испорача разочарувачки изгледи оваа недела, велејќи дека слабоста на пазарот ќе продолжи во четвртиот квартал и понатаму.
