Јапонските производители на автомобили се меѓу најлошо рангираните во најновата оценка на „Гринпис“ за напредокот во транзицијата кон електрични возила, а со тоа и намалување на фокусот на фосилните горива.
На ова рангирање, компанијата „Сузуки“ (Suzuki) е на последното место, а „Тојота“ (Toyota), „Хонда“ (Honda) и „Нисан“ (Nissan) се во долната половина од извештајот, кој редовно, секоја година, го објавува организацијата „Гринпис“, оценувајќи 15 традиционални играчи во автомобилската индустрија.
На самиот врв се „Мерцедес бенц“ (Mercedes-Benz), БМВ (BMW) и кинеската компанија САИК (SAIC Motor).
Иако јапонските автомобилски компании всушност беа пионери во воведувањето на мали батерии и електрични мотори за да ги направат моторите со внатрешно согорување што е можно поефикасни, тие се многу побавни кога станува збор за целосна транзиција кон електрични возила.
Овие компании зазедоа заеднички став со аргументирање на валидноста на различните пристапи за декарбонизација на автомобилите, но тоа ги стави во спротивност со Гринпис и слични организации.
„Перформансите на декарбонизација и електрификација на 'Сузуки' практично не постојат во време кога сите големи производители на автомобили полека ги укинуваат возилата што користат мотори со внатрешно согорување“, се вели во извештајот објавен од „Гринпис“.
Јапонските возила сега губат пазарен удел во Кина, Европа и САД како резултат на таквиот пристап, додаваат од таму.
Годишното рангирање е направено врз основа на критериуми кои вклучуваат продажба на возила со нула емисија на јаглерод, односно дали се напојуваат од батерии или водород. Хибридните возила не се бројат.
„Сузуки“ одби да го коментира извештајот, но од компанијата посочија дека „ќе продолжат да нудат повеќе опции за клиентите и да работат на постигнување јаглеродна неутралност во одделни региони“.
Рангирање на производителите на автомобили според критериумите на „Гринпис“
Bloomberg Mercury
„Тојота“, пак, објави дека има намера да ги намали емисиите од новите возила за 50 отсто до 2035 година. Во мај, основаше нов оддел посветен на дизајн и производство на електрични возила.
„Како глобална компанија, 'Тојота' презема чекори за да постигне јаглеродна неутралност до 2050 година, односно да ги намали глобалните емисии таму каде што е реално, што е можно побрзо“, рече портпаролот на компанијата.
Патничките возила сочинуваат речиси една петтина од глобалните емисии на јаглерод.
Според „Гринпис“, големите производители на автомобили треба да ја прекинат продажбата на возила со внатрешно согорување во Европа до крајот на 2028 година односно до 2030 во САД, Кина, Јапонија и Јужна Кореја, доколку глобалното затоплување навистина се забави.
„Тојота“ е најголемиот светски производител по број на возила и има за цел да достигне продажба од 1,5 милиони електрични возила годишно до крајот на 2026 година, а потоа да ја зголеми таа бројка на 3,5 милиони до крајот на 2030 година.
.webp){kind=icon}
Во моментов нема коментари за веста. Биди прв да коментира...