Акциите на „Тесла“ (Tesla) се на пат да изгубат речиси една петтина од нивната вредност за помалку од две недели поради зголемената загриженост дека побарувачката за електрични возила почнува да опаѓа.
Распродажбата на акциите започна претходно овој месец, откако, заедно со објавувањето на кварталните резултати, овој гигант за производство на електрични возила ги намали своите очекувања за идниот раст на бизнисот. После тоа дојдоа обесхрабрувачки коментари на некои светски производители на автомобили, како и аналитичари од Волстрит. Оваа недела, производителот на батерии „Панасоник“ (Panasonic Holdings) и производителот на процесори ОН (ON Semiconductor) се вклучија во алармот во индустријата за електрични возила.
Предупредувањата ги оптоварија акциите низ американскиот автомобилски сектор, кој е во средината на опсежни преговори за платите со синдикатите. И без разлика на тоа, падот на „Тесла“ се издвојува: од 18 октомври акциите потонаа за околу 20 отсто, додека во истиот период индексот S&P 500 падна за 3,6 отсто, а индексот Nasdaq за нешто повеќе од четири отсто. Падот на цените на акциите избриша околу 145 милијарди долари од пазарната капитализација на производителот на електрични возила.
Акциите на „Тесла“ паднаа поради загриженоста за побарувачката за електрични возила
Bloomberg
„Во сржта на проблемот се инвестициите на овој капитално-интензивен сектор во недокажани стратегии за производство на електрични возила, додека истовремено се зголемуваат трошоците, се намалуваат цените на автомобилите, растат каматните стапки и се намалува побарувачката“, напиша во вторникот во белешка аналитичарот на „Морган Стенли“ (Morgan Stanley) , Адам Џонас. „Она со што деновиве инвеститорите полека се соочуваат е идејата дека десетици милијарди долари вложени во електрични возила може да бидат трошок, а не инвестиција“.
Идната перспектива за продажба на автомобили се влошува бидејќи зголемените каматни стапки исто така ги зголемија трошоците за поседување автомобил. Способноста на потрошувачите да прават големи набавки е намалена со зголемувањето на инфлацијата. Електричните возила, уште се релативно нова технологија со недоволно развиен екосистем за полнење, и тие се први на удар.
Бидејќи „Тесла“ е чистокрвен производител на електрични возила со многу висока пазарна капитализација, влогот за таа компанија е поголем. Иако дел од нејзината висока цена на акцијата го одразува потенцијалот за развој на автономни возила, голем дел од тоа зависи од способноста на компанијата да ја задржи моменталната доминантна позиција во индустријата за електрични возила, како и од нејзините маржи.
Како што побарувачката на пазарот за електрични возила е сè послаба, силното намалување на цената на „Тесла“ сè помалку може да создаде дополнителна побарувачка, поради што инвеститорите стануваат нервозни, а тоа се гледа од наглиот пад на цената на акцијата.
.webp){kind=icon}
Во моментов нема коментари за веста. Биди прв да коментира...