text size
Гигантите во консултантскиот свет годинава се соочуваат со необичен предизвик: многу од нив отпуштаат стотици вработени, иако вработија илјадници млади професионалци за да ја задоволат новата побарувачка. Сега еден од најголемите меѓу нив се врти кон вештачката интелигенција за да го промени тоа.
„Дилојт“ (Deloitte) користи вештачка интелигенција за да ги процени вештините на своите постоечки вработени и планира да ги премести од помалку активни области на бизнисот на позиции со поголема побарувачка. Тоа е дел од пошироката стратегија за фирмата за професионални услуги, која верува дека технологијата ќе овозможи поумерен раст на вработеноста со текот на времето.
Овие промени доаѓаат откако „Дилојт“ вработи 130.000 работници оваа година. Сепак, во процесот на вработувања, компанијата предупреди илјадници вработени во САД и Велика Британија дека нивните работни места може да станат вишок откако компанијата беше принудена да реструктуира одредени области од бизнисот како одговор на забавувањето на побарувачката.
„Очигледно целта е да се избегнат големи осцилации во вработувањето и отпуштањето“, рече Стеван Ролс, глобален главен директор за таленти во „Дилојт“. „Секогаш можете да бидете поефективни и поефикасни во пронаоѓањето на вистинските луѓе“.
„Дилојт“ и конкурентските фирми за професионални услуги веќе почнаа да експериментираат со користење на генеративна вештачка интелигенција (ВИ) за да ги елиминираат повторливите задачи кои одземаат многу време, кои досега беа резервирани за помладите вработени, како што се подготовка на документи за внатрешни состаноци или собирање големи количини на податоци за презентации на клиентите. Генеративната ВИ, популаризирана од ЧетГПТ (ChatGPT), може да составува реченици или есеи како одговор на едноставни прашања бидејќи е претходно обучена со огромни количини на постоечки материјал.
Со нивните најнови проекти, тие се надеваат дека технологијата ќе помогне подобро да управуваат со илјадниците вработени што ги ангажираат секоја година.
Вкупниот број на вработени во „Дилојт“ сега се приближува до 460.000 по овогодинешните вработувања. Тоа е три пати повеќе нови вработувања во споредба со пред десет години, кога приходите беа приближно половина од денешните.
.webp){kind=icon}
