БЈД (BYD Co.) официјално го престигна „Фолксваген“ (Volkswagen AG) како најпродавана марка на автомобили во Кина за 2023 година, што е јасен показател дека нејзиниот фокус на електричните возила на најголемиот светски автомобилски пазар се исплати, помагајќи ѝ да надмине некои од најголемите имиња во автомобилскиот свет.
БЈД забележа 2,4 милиони нови регистрации за автомобилско осигурување минатата година, што ѝ дава 11 отсто пазарен удел во Кина, според кинескиот центар за автомобилска технологија и истражување (CATARC) со седиште во Шенжен. Ова е зголемување од 3,2 отсто во однос на претходната година.
Метеорскиот раст на кинескиот производител на автомобили ја одразува пошироката предност на кинеските автомобилски марки во развојот на достапни и високотехнолошки електрични возила, кои брзо добиваат меѓународно признание. Компании како „Стелантис“ (Stellantis NV) и „Фолксваген“ сега дури бараат помош од кинеските автомобилски компании за да ги заживеат своите стратегии за електрични возила.
Прочитај повеќе
Кинески БЈД станува најпопуларен производител на електрични возила во светот
БЈД забрзано се приближува до водечката позиција во светската продажба на електрични возила.
28.12.2023
Кинески БЈД во Унгарија ќе ја отвори првата европска фабрика
Кинескиот производител на електрични автомобили БЈД (BYD) планира да ја изгради својата прва европска фабрика за автомобили во Унгарија.
22.12.2023
Кинескиот БЈД цели кон сегментот на луксузни возила
Кинескиот производител на електрични автомобили БЈД претстави нова серија на возила наречена Фанг Ченг Бао („формула леопард“).
11.06.2023
БЈД веќе го престигна „Фолксваген“ како најпродавана марка на автомобили во Кина во кварталот на почетокот на минатата година, но подоцнежните податоци покажуваат дека сега го има тој статус на годишно ниво. „Фолксваген“ беше најпродаваниот бренд во Кина од 2008 година, кога станаа достапни податоците од CATRC.
Bloomberg
Кај преостанатите топ пет марки, „Тојота“ (Toyota Motor Corp.) и „Хонда“ (Honda Motor Co.) имаат пад на пазарниот удел и обемот на продажба. Домашниот играч „Чонгкинг Чанган“ (Chongqing Changan Automobile Co.) имаше корист од зголемената продажба, иако нејзиниот удел остана непроменет.
„Тесла“ (Teslа) ја губи титулата најпопуларен производител на електрични возила во светот во корист на БЈД од Кина.
Промените во рангирањето ветуваат добри изгледи за БЈД и за другите кинески производители на автомобили што влегуваат во 2024 година со очекувана вкупна продажба на електрични и хибридни возила во земјата од 25 проценти, до 11 милиони примероци.
Според „Глобал дата“ (GlobalData), продажбата на БЈД во светот надмина три милиони, што го става во позиција да влезе во првите десет најпродавани автомобили во светот за првпат. Нивната продажба на електрични возила во четвртиот квартал беше доволна за првпат да ја надминат „Тесла“ (Tesla Inc.) како најголем продавач на глобално ниво.
.webp){kind=icon}
