Извршниот директор на „Тесла“ (Tesla Inc.) Илон Маск рече дека предвидува оти следниот „голем бран на раст“ на компанијата, во форма на нов, евтин автомобил, би можел да дојде следната година. Меѓутоа, разочарувањето од инвеститорите кои не се подготвени да чекаат толку долго ги повлече акциите надолу.
Се чини дека акционерите повеќе се фокусираат на фактот дека сегашниот бран на раст на „Тесла“ полека исчезнува. Компанијата цела мината година ја потроши на намалување на цените со цел да го зголеми обемот на продажба, што го намали профитот. Таа тактика даде резултати, но веројатно нема да биде толку ефикасна во 2024 година, предупреди производителот на автомобили. Поради послабите проекции за продажба, но и фактот што најавеното возило од новата генерација е повеќе од една година далеку од нас, инвеститорите не го делат оптимизмот на првиот човек на компанијата.
Акциите на „Тесла“ паднаа за шест отсто по затворањето на тргувањето кога беа објавени резултатите. Од почетокот на годинава акциите поевтинија за 16 отсто.
Прочитај повеќе
Маск сака поголема контрола пред „Тесла“ да навлезе во вештачката интелигенција
Илон Маск нагласи дека повеќе би сакал да произведува вештачка интелигенција (ВИ) надвор од „Тесла“ ако не добие 25 отсто од контролата.
16.01.2024
„Тесла“ го достигна „Ауди“ со глобалната продажба на возила
„Ауди“ на „Фолксваген“ продаде 1,89 милион возила во 2023 година, тесно надминувајќи го американскиот производител, кој имаше 1,81 милион.
11.01.2024
„Тесла“ купи земјиште за изградба на фабрика за батерии во Шангај
Бизнисот за производство на електрична енергија на „Тесла“ носи брз раст на приходите.
22.12.2023
„'Тесла' сигнализира дека деновите на раст од 50 проценти, па дури и 30 или 40 проценти од година во година, нема да се случат во 2024-та“, рече во интервју аналитичарот на „Морнингстар рисрч“ (Morningstar Research), Сет Голдстајн. „Во еден момент веќе не можете да ги намалите цените“, додаде тој.
Компанијата, исто така, ги изненади инвеститорите со тоа што не презентираше проекции за целата година, што не се случува често. Рекоа дека годишниот раст во наредните години ќе биде околу 50 проценти, што е нешто повисоко од растот забележан во 2023 година, кога беа испорачани приближно 1,8 милиони автомобили. Аналитичарите предвидуваат дека продажбата ќе порасне за околу 20 отсто до 2,2 милиони, што е половина од растот во 2023 година.
Производителот на автомобили забележа заработка од 71 цент по акција во четвртиот квартал од минатата година, под просечната проценка на аналитичарите од 73 центи по акција. Компанијата имаше приход од 25,2 милијарди долари, помалку од 25,9 милијарди долари колку што предвидоа аналитичарите.
Бруто маржата на „Тесла“
Bloomberg
Маск сугерираше дека сето тоа е привремено. Возилото од следната генерација ќе биде поевтин автомобил кој прво ќе се произведува во фабриката во Остин во втората половина на следната година, а потоа и во Мексико. Ќе се произведува и на друго место во Северна Америка. Тоа би можело да помогне да се прошири базата на клиенти, бидејќи многу луѓе не можат да си ги дозволат моделите кои сега се на продажба и чија цена започнува од околу 45.000 долари.
„Тоа ќе биде предизвикувачка промена во производството“, рече Маск. „Штом ќе започне со работа, ќе биде над секоја друга производна технологија што постои некаде во светот. Тоа е следното ниво“, додаде тој.
Дотогаш, „Тесла“ ќе се обиде да допре до новите потрошувачи со своите постоечки понуди, а нивното најново возило „сајбертрак“ (Cybertruck) полека се движи кон масовно производство. Иако беше претставен во ноември, сепак производството се одвива прилично бавно. Компанијата соопшти дека забрзувањето на производствениот процес за овој пикап ќе биде потешко отколку за другите модели, а Маск не претстави проекции за продажбата за оваа година.
Меѓутоа, ова ја намали профитабилноста. Бруто маржата на компанијата без маркетиншки субвенции изнесуваше 17,2 отсто, што е многу помало од претходните години. Сепак, тоа е благо подобрување во однос на 16,3 отсто во последниот квартал, кога падна на најниско ниво во последните четири години. „Тесла“ ја препиша помалата профитабилност во четвртиот квартал на намалувањето на цените, повисоките трошоци за истражување и развој, како што е зголемувањето на производството на „сајбертрак“.
Маск исто така се обиде да го зголеми својот удел на 25 отсто од гласачките права. Одборот на производителот на електрични возила веројатно нема да одобри нов план за компензација за Маск додека судијата во Делавер не донесе одлука за тужбата на акционерите поврзана со планот за компензација на Маск одобрен во 2018 година.
.webp){kind=icon}