text size
Нето-добивката на групацијата „Крка“ минатата година изнесува 313,7 милиони евра, што е за 49,9 милиони евра или 14 отсто помалку од 2022 година. Оперативната добивка (ЕБИТ) на компанијата изнесува 399,6 милиони евра, што е за 18,4 милиони евра или за пет отсто повеќе од 2022 година, се наведува во денешниот извештај.
Оперативната добивка зголемена со амортизација (ЕБИТДА) изнесува 504,2 милиони евра, што е за 15,3 милиони евра или три отсто повеќе од 2022 година. Во последниот петгодишен период просечната годишна стапка на раст на ЕБИТ изнесува 11,4 отсто, а на ЕБИТДА 8,0 проценти.
Големи флуктуации во вредноста на рубљата
Прочитај повеќе
Регионална анализа: „Алкалоид“ меѓу најуспешните фармацевтски гиганти
„Алкалоид“ е меѓу петте најдобри во регионот Адрија по остварената продажба и по остварените маргини на ЕБИТДА и ЕБИТ во текот на минатата година.
18.09.2023
Добивката пред оданочување на групацијата „Крка“ во 2023 година е намалена за 65,9 милиони евра или за 15 отсто и изнесува 367,1 милиони евра.
„Намалувањето на добивката пред оданочување и нето-добивката во однос на претходната година е главно резултат на депрецијацијата на рубљата во однос на еврото во 2023 година и силната апрецијација на рубљата во годината пред тоа“, се наведува во извештајот.
„Руската рубља практично секоја година нè расположува, или во минус или во плус. Во 2022 година имаше изразен плус, но минатата година влијанието беше неповолно. Најголемиот пад се случи веќе на почетокот на годината, а потоа негативниот тренд продолжи, вредноста на рубљата падна за добри 21 отсто минатата година“, изјави во јануари Јоже Коларич, претседателот на Управниот одбор на „Крка“.
Продажбата се зголемува
Сепак, во последниот петгодишен период просечната годишна стапка на раст на нето-добивката изнесува 12,5 отсто.
„Крка“ и минатата година ја зголеми продажбата и по количество и по вредност. Во 2023 година групацијата „Крка“ оствари продажба од 1,804 милијарда евра, што е за 88,9 милиони евра или пет отсто повеќе од 2022 година.
Во последниот петгодишен период просечната годишна стапка на квантитативен раст на продажбата изнесува 4,2 отсто, а просечната годишна стапка на раст на вредноста на продажбата изнесува 6,3 отсто, пишува во извештајот.
.webp){kind=icon}
