.webp){kind=icon}
Синдикатот на аеродормскиот персонал на германската авиокомпанија Луфтханза закажа штрајк за в среда со што ќе предизвика ескалација на кризата во Европа откако заради недостиг на персонал беа откажани илјадници летови на почетокот на летото.
„Синдикатот повика на еднодневен штрајк за да го зголеми притисокот врз работодавачот да ја подобри понудата пред следната рунда преговори“, стои во изјавата на синдикатот.
Движењето ќе ја влоши состојбата во која се наоѓа Луфтханза која се бори со ратсечката побарувачка за патување и влијанието на растечката инфлација врз билетите. Патниците низ цела Европа претходните недели се соочија со одложување на летовите заради хроничниот недостиг на работниците.
„По бројните напори за стабилизирање на операциите, ова претставува создавање непотрбени потешкотии за нашите патници и за нашите вработени“, вели Михаел Нигеман, член на бордот на Луфтханза задолжен за човечки ресурси.
И членовите на синдикатот на пилотите на Луфтханза се изјаснуваат за тоа дали да има штрајк, потег што исто така би водел до намалување на летовите.
Менаџментот најавува зголемување на нето платите за најмалку 8 отсто до 2024 година, времето е потребно за да се намали долгот. Проблемите со претставниците на работниците сугерираат дека компанијата ќе има проблем да ја оствари целта обидувајќи се да воспостави рамнотежа меѓу потребата за повеќе работници и намалувањето на трошоците.
Компанијата на почетокот на овој месец објави дека во вториот квартал повторно работела со добивка.
