Долгоочекуваната иницијална јавна понуда (ИПО) на американската компанија „Редит“ (Reddit), која управува со истоимената социјална мрежа, во средата беше проценета на 34 долари по акција (што беше врвот на целниот опсег, кој се движеше помеѓу 31 и 34 долари). Фирмата продаде 22 милиона акции, со што собра 748 милиони долари.
По ИПО-цената, „Редит“ има пазарна вредност од 5,4 милијарди долари врз основа на акциите наведени во неговите поднесоци до Комисијата за хартии од вредност на САД (SEC). Вклучувајќи ги опциите за акции и ограничените удели, целосното вреднување на „Редит“ е поблиску до 6,4 милијарди долари. Тоа е помалку од 10 милијарди долари собрани со кругот на финансирање во 2021 година, кога „Редит“ првпат ги лансира своите планови за ИПО.
„Редит“ е уште еден член од висок профил на списокот на новите или наскоро јавни компании во 2024 година. Најголема на тој список е понудата од 1,57 милијарда долари од „Амер спортс“ (Amer Sports Inc.) во јануари.
Прочитај повеќе
Алтман е еден од најголемите сопственици на Редит, открија податоците за ИПО
Извршниот директор на „Опен еј-ај“, Сем Алтман, е еден од најголемите сопственици на Редит, според регулаторните документи.
23.02.2024
„Редит“ предводник на групата на потенцијални кандидати за ИПО во 2024 година
„Редит“ повторно е во преговори со потенцијални инвеститори за иницијалната јавна понуда (анг. IPO) на компанијата за социјално вмрежување.
28.11.2023
Котирањето следува по понудата од 713 милиони долари на „Астера лабс“ (Astera Labs Inc.) еден ден претходно. „Астера“, компанија за поврзување со полупроводници фокусирана на вештачка интелигенција, ги процени своите акции над нејзиниот пазарен опсег, а потоа скокна за 72 отсто во своето деби за тргување во средата.
„Блумберг њуз“ претходно во средата објави дека „Редит“ и неговите акционери очекуваат цената на ИПО да биде на или над врвот на пазарниот опсег. Цената на акциите беше објавена претходно од „Волстрит журнал“ (Wall Street Journal).
ИПО е предводен од „Морган Стенли“ (Morgan Stanley), „Голдман сакс“ (Goldman Sachs Group Inc.), „ЏП Морган“ (JPMorgan Chase & Co.) и „Банка на Америка“ (Bank of America Corp.), според поднесоците на „Редит“. Акциите на „Редит“ треба да започнат со тргување в четврток на Њујоршката берза под скратеницата RDDT.
Котирањето доаѓа во време кога фирмата се обидува да ги намали своите загуби и да најде нови можности за приходи, вклучувајќи и договор со „Гугл“ (Google), во кој технолошкиот гигант ќе ги обучува своите модели со вештачка интелигенција на објавите на корисниците на платформата Редит. Во овој поглед, средствата собрани од ИПО ќе ѝ помогнат на фирмата да инвестира во клучни области за раст.
.webp){kind=icon}
