„Комерцијална банка“ АД Скопје преку Македонската берза соопшти дека минатата недела склучила договори за продажба на имотот стекнат врз основа на ненаплатени побарувања од кавадаречките „Еуроникел индустри“ и „Нова инженеринг“ за износ од 31.300.000 евра и од пехчевската „Нова рефрактори“ за износ од 8.700.000 евра без даноци и давачки. Купувачи на имотот се друштва основани од холандската холдинг компанија „Полиникел холдинг БВ“ (Polynickel Holding BV), која е дел од турската групацијa „Јилдирим“ (Yildirim Group).
„За конечната реализација на трансакцијата е потребно да се исполнат одредени законски и регулаторни барања“, наведуваат од „Комерцијална банка“.
Глобален играч влегува во Македонија
Прочитај повеќе
„Комерцијална банка“ со присилна наплата го презеде „Еуроникел“
Банката стекнала сопственост на недвижен и движен имот во вредност од 38 милиони евра.
12.12.2023
Официјално: „Еуроникел“ од Кавадарци е на продажба
Продажбата е дел од мерките за спас на компанијата
17.11.2023
Може ли „Еуроникел“ повторно да стане „златна кокошка“?
Цените на металите беа исклучително нестабилни во периодот зад нас.
16.10.2023
„Еуроникел“ не работи, комбинатот индиректно коментира и за преземањето
„Блумберг Адрија“ веќе објави дека К.А.Д Менаџмент сервисес“ со седиште во Никозија веќе доставила понуда за преземање
14.10.2023
Фирма од Кипар со понуда за целосно преземање на „Еуроникел индустри“?
Според сознанијата, „КАД менаџмент“ треба да инјектира ликвидност во компанијата, но и техничка експертиза.
10.10.2023
Почетоците на турската групација датираат од 1963 година, кога покојниот Гарип Јилдирим ја основал компанијата за трговија со градежен материјал наречена „Гарип Јилдирим енд санс“ (Garip Yildirim&Sons) во Самсун, Турција. Од своето основање, групацијата континуирано го проширува својот фокус со нови подружници преку претприемаштво и постојани иновации, еволуирајќи во индустриски разновидна група на компании, како и во една од најбрзорастечките турски индустриски групи.
Станува збор за бизнис во семејна сопственост, кој денес е управуван од браќата Али Риза и Роберт Јуксел Јилдирим. Во 2008 година групацијата го прави своето прво меѓународно преземање во Шведска, а оттогаш прераснува во глобален играч со седиште во Истанбул, Турција, со операции во девет сектори во 56 земји на пет континенти. Групацијата денес вработува повеќе од 25.000 луѓе низ светот.
Зрак светлина по повеќемесечната голгота
„Блумберг Адрија“ веќе пишуваше дека „Комерцијална банка“ во постапка за присилна наплата на побарувања од должникот „Еуроникел индустри“ се стекна со сопственост над недвижен и движен имот во вредност од околу 38 милиони евра. Тоа беше исходот по неколкумесечната голгота на комбинатот од кавадаречкото село Возарци, период во кој имаше обиди за преземање и од странски компании.
Од октомври минатата година комбинатот се одржуваше во процес во кој печките беа оставени топли и се трошеа само по пет мегават-часа струја. Нашите извори тогаш коментираа дека ако се исклучи струјата, за што има ризик, поради неплатените долгови, печката може и да пукне. Следниот месец односно во ноември околу 800 вработените излегоа на протест бидејќи не им беа исплатени платите. Претходно објавивме дека „К.А.Д менаџмент сервисес“ (K.A.D Management Services), деловен партнер на „Еуроникел индустри“, сака да ја преземе домашната компанија.
Инаку, „Еуроникел индустри“ беше рангирана на 15-то место меѓу најголемите компании во Македонија за 2022 година, со приход од 12,4 милијарди денари и добивка од 26,7 милиони денари. Компанијата придонесува со три проценти во националниот БДП. Пред да ја преземе „Комерцијална банка“, сопственик на компанијата беше швајцарскиот фонд ГСОЛ, кој во 2018 година ја презеде фабриката „Фени“.
.webp){kind=icon}
