Хајнекен извести дека продажбата на пиво е подобра од очекувањата иако високите цени влијаеа купувачите помалку да пијат во рестораните, баровите и кафулињата низ светот.
Количините произведено пиво на втората по големина пиварница во светот се зголемија за 7,6 отсто, што е над прогнозите на аналитичарите за раст од 5,73 отсто, наведува холандската пиварница во соопштението издадено денеска. Приходите пораснале за 22 отсто на 16, 4 милијарди евра поттикнати од растот на цените, доброто време во Европа и заздравувањето во Латинска Амрика.
„Нашите активност во поглед на цените, управувањето со приходите и продуктивноста ги неутразлизираат значајните инфлаторни притисоци кај нашите трошоци“, изјави главниот извршен директор.
Хајнекен ги повтори своите прогнози за скромен раст годинава затоа што заздравувањето на побарувачката зависи од војната во Украина и притисоците од растот на цените. Ревидирани се и насоките за 2023.
Холандската пиварница извести за прилагодување на нето добивката од 1, 33 милијарди евра за половина, или 40 отсто повеќе од лани. Од Хајнекен порано изјавија дека очекуваат умерена вредност од 400 милиони евра заради повлекувањето од Русија.
Претходно производителот на пиво извести дека се соочува со најтешката инфлација во деценијата и дека потрошувачите може помалку да купуваат пиво што е закана за заздравувањето на индустријата од пандемијата.
.webp){kind=icon}
