„Алфабет“, матичната компанија на „Гугл“ објави приход во вториот квартал кој ги надмина очекувањата на аналитичарите, којшто е поттикнат од побарувачката за услуги за клауд компјутинг и рекламирање на неговиот пребарувач.
Продажбата, без исплатите на партнерите, изнесуваше 71,36 милијарди долари во вториот квартал, се вели во вчерашното соопштение на компанијата. Според податоците собрани од „Блумберг“, аналитичарите предвидуваа 70,7 милијарди долари. Нето приходот беше 1,89 долари по акција, во споредба со проценката на „Волстрит“ од 1,84 долари по акција.
„Гугл“ беше меѓу првите во трката за вештачка интелигенција бидејќи разви голем дел од технологијата што ги поткрепуваше популарните чет-ботови. Сега, компанијата е под притисок да докаже дека може да ја издржи конкуренцијата од „Опен еј-ај“ (OpenAI) и „Мајкрософт“ (Microsoft Corp.), бидејќи тие се обидуваат да ги одвлечат луѓето од традиционалното пребарување на веб, промовирајќи чет-ботови кои можат да одговорат на прашањата на корисниците на разговорен начин. „Гугл“ побрза да ја вметне вештачката интелигенција во сите свои широко користени производи, вклучително и „џимејл“ (Gmail), „гугл докс“ (Google Docs) и во пребарувањето, истовремено зголемувајќи ги сопствените способности за вештачка интелигенција - скапа иницијатива со мешани резултати.
Прочитај повеќе
![„Виз“ ја одби понудата за аквизиција на „Алфабет“, избра да излезе на берза](/data/images/2024-07-23/66277_414175555_kf.jpg)
„Виз“ ја одби понудата за аквизиција на „Алфабет“, избра да излезе на берза
„Виз“, кој работи во областа на сајбер-безбедноста, одби понуда од дури 23 милијарди долари.
23.07.2024
![„Алфабет“ е полн со кеш, ќе подели ли прва дивиденда?](/data/images/2024-01-11/51395_406246201_kf.jpg)
„Алфабет“ е полн со кеш, ќе подели ли прва дивиденда?
„Алфабет“, компанијата мајка на „Гугл“, носи толку многу готовина што се зголемуваат надежите дека ќе препише нешто од потезите на „Мета“.
23.04.2024
![„Алфабет“ на чекор до својата најголема аквизиција](/data/images/2023-07-26/37005_399324308_kf.jpg)
„Алфабет“ на чекор до својата најголема аквизиција
Компанијата, која е основана во 2020 година, беше проценета на 12 милијарди долари.
15.07.2024
Технолошкиот гигант, исто така, обезбедува услуги за клауд компјутинг на брзорастечки стартапи, поттикнувајќи конзистентна профитабилност за тој бизнис по години губење пари.
„Сепак, некои инвеститори бараат појасни докази за враќање на инвестицијата за сите милијарди трошења за напредокот на вештачката интелигенција“, рече Даниел Морган, виш менаџер на портфолио во „Синовус Траст“.
„Колку приходи добивате од тоа? прашува рече. „Кога го гледам овој извештај, она што го гледам е ‚Гугл‘ каков што бил секогаш. Тие генерираат пари од рекламирање и пребарување“.
Капиталните расходи на „Алфабет“ во вториот квартал беа повисоки отколку што очекуваа аналитичарите, поради поддршката на вештачката интелигенција и енергијата. Компанијата потрошила 13,2 милијарди долари, во споредба со проценките од 12,2 милијарди долари.
Акциите на „Алфабет“ флуктуираа во продолженото тргување и паднаа за повеќе од еден процент по претходен пад од речиси два процента. Акцијата до сега оваа година забележа раст од 30 проценти.
„Гугл клауд“ (Google Cloud) донесе профит од 1,17 милијарди долари, надминувајќи ги проценките на аналитичарите за оперативен приход од 982 милиони долари. „Гугл“ сè уште ги следи „Амазон“ и „Мајкрософт“ на пазарот на пазарот на клауд услугите, но во изминатата година, единицата привлече бизнис од стартапи со вештачка интелигенција. Инвеститорите, исто така, гледаат на „Гугл клауд“ како единица со најголем потенцијал да го поттикне растот на „Алфабет“ во целина, особено кога нејзиниот бизнис за пребарување созрева.
„Сигурно ја видовме користа од нашата сила во вештачката интелигенција, инфраструктурата на вештачката интелигенција, како и генеративните решенија за вештачка интелигенција за клауд-клиентите“, рече главниот директор за инвестиции на „Алфабет“, Рут Порат во разговор со медиумите. „Нема сомневање дека клиентите се обраќаат кон нас бидејќи ги градат своите способности“.
Во мај, „Гугл“ ја објави услугата „ВИ преглед“за пребарување креирана со технологија за генеративна вештачка интелигенција, но лансирањето на функцијата не помина добро. Некои прегледи на вештачката интелигенција понудија засрамувачки предлози, советувајќи ги луѓето да јадат камења или да ставаат лепак на пица, на пример. Сепак, кварталните приходи од рекламирање од пребарувањето беа 48,5 милијарди долари, во споредба со просечната проекција на аналитичарите за 47,6 милијарди долари.
„Ако е потребно повеќе напор за потрошувачите да одат на кое било друго место за пребарувањеГугл ќе продолжи да го монетизира сообраќајот од пребарувањето повисоко од кој било од своите конкуренти“, рече Евелин Мичел-Волф, аналитичар во „ЕМаркетер“ (Emarketer).
„Јутјуб“ (YouTube) објави приход од 8,66 милијарди долари, во споредба со просечната проценка на аналитичарите од 8,95 милијарди долари. Од различните бизниси на „Алфабет“, „Јутјуб“ е најранлив на промени на пазарот на дигитални реклами.
Другите облози на „Алфабет“ - збирка единици што го вклучува бизнисот со природни науки „Верилај“ (Verily) и напорите за самоуправувачки автомобил „Вајмо“ (Waymo) - донесоа приход од 365 милиони долари, додека забележаа оперативна загуба од 1,13 милијарди долари. Тоа беше поостро од проекцијата на аналитичарите за загуба од 1,07 милијарди долари. „Алфабет“ неодамна изврши притисок овие единици да се отцепат како независни стартапи, наместо да станат деловни единици на нивната матична компанија.
Во својот последен извештај, „Алфабет“ посочи дека има 100,7 милијарди долари во готовина, еквиваленти и пазарни инвестиции, што е помалку од 108 милијарди долари што ги пријави во првиот квартал. Во последниве месеци, „Гугл“ покажа интерес за стекнување на две компании, од кои едната би била најголемото купување досега за интернет гигантот - но и во двата случаи зделките пропаднаа. Аквизициите за „Хабспот“ (HubSpot Inc). и „Виз“ (Wiz Inc.), би ги зајакнале понудите за клауд услуги и сајбер-безбедност на компанијата, помагајќи ѝ да се натпреварува со своите технолошки ривали.
„Секогаш бараме добри можности за диверзификација на портфолиото и ќе продолжиме да го правиме тоа ако ја најдеме вистинската комбинација на фактори, вклучително и вредноста“, рече Порат, без да ги коментира разговорите за „Виз“. „Регулаторната контрола не е нова за нас, и успешно управувавме со регулаторните прегледи на многу големи зделки во минатото“.
Подоцна овој месец, Анат Ашкенази, ветеран извршен директор на „Елај Лили“ (Eli Lilly & Co.), ќе му се придружи на гигантот за пребарување како главен финансиски директор. Порат, најдолготрајниот финансиски директор на „Алфабет“, ќе остане претседател и главен директор за инвестиции, поминувајќи повеќе време работејќи на портфолиото на други облози на компанијата.