text size
„Хајнекен“ (Heineken NV) ја намали еднократно вредноста на имотот за 874 милиони евра (949 милиони долари) поради падот на вредноста на уделот на компанијата во најголемата кинеска пиварница.
Намалување на вредноста на акциите во компанијата „Чајна ресурсис бир“ (China Resources Beer Holdings Co.) се должи на загриженоста за побарувачката на потрошувачите во оваа земја, што влијаеше на цената на акциите, објави во понеделникот холандската пиварница.
Вториот по големина производител на пиво во светот ја намали прогнозата за оперативниот годишен профит во опсег меѓу четири и осум проценти. Претходно „Хајнекен“ предвидуваше органски раст на оперативниот профит со ниска двоцифрена стапка.
„Хајнекен“ во 2018 година купи 40 отсто од акциите во матичната компанија „Чајна ресурсис бир“, на берзата во Хонгконг, за 3,1 милијарди долари. Тој договор му обезбеди на „Хајнекен“ партнер со локална дистрибутивна мрежа за да се движи на најголемиот светски пазар на пиво. Од друга страна, тоа ѝ овозможи на кинеската компанија да се прошири на пазарот на премиум пиво.
.webp){kind=icon}
