Почна да тече рокот за преземање на „Стопанска банка Битола“

„Комерцијална банка“ АД Скопје ги објави понудата и проспектот за преземање на „Стопанска банка Битола“. Понудената цена на акциите издадени од „Стопанска банка Битола“ изнесува 3.200 денари по акција, а рокот за прифаќање на понудата истекува на 22.09.2024 година.

Во проспектот меѓудругото се наведува дека понудата се однесува на сите 390.977 обични акции издадени од „Стопанска банка Битола“ и дека за понудата да се смета за успешна треба да бидат преземени 261.956 акции, што претставува 67 проценти плус една акција од вкупниот број акции.

Инаку, според податоците од Централниот депозитар за хартии од вредност единствен акционер кој поседува над пет проценти од акциите на „Стопанска банка Битола“ заклучно со вчерашниот ден е компанијата „Пелистерка“, во чија сопственост се 16,99 проценти од вкупниот број акции во банката.

 

 

Во моментов нема коментари за веста. Биди прв да коментира...

Остави коментар