В година 30 отсто од одборите на берзанските компании треба да бидат жени

Дури 40 проценти од членовите на одборите на компаниите што котираат на берзите во ЕУ до 2026 година треба да бидат жени. Целта за поголема вклученост на жените во процесите на донесување одлуки е поставена со Директивата на ЕУ.

„Со тесна соработка со бизниси, влади и меѓународни партнери, ’Жени во органите на управување-Адрија’ (ВОБА / WOBA - Women on Boards Adria) помага во уривањето на бариерите за женското лидерство и се усогласува со стандардите на ЕУ“, рече Тања Михајловска Димитриевска, главна амбасадорка за ВОБА за Македонија и директорка за ревизија во инвестициска банка во Англија, зборувајќи на годишната конференција на Македонската берза.

Македонска берза

Интегрирањето на жените во одборите на компаниите што котираат на берза и во Македонија е императив кога станува збор за постигнување родов баланс во лидерските позиции. Имено, Кодексот за корпоративно управување на Македонската берза има цел да обезбеди најмалку 30 проценти застапеност на жени во надзорните и управните одбори до 2025 година, усогласувајќи ја земјата со практиките за родова различност и инклузија.

Според Роберт Бејкер, заменик-претседател на „Жени во органите на управување-Европа“ (ЕВОБ / EWOB-European Women on Boards), клучно е значењето на родовата еднаквост во македонските компании и вредноста на машките лидери како сојузници во поттикнувањето на промените. Говорејќи на конференцијата на Македонската берза, тој посочи на позитивното економско влијание од поголемата вклученост на жените во бизнисот и значителните придобивки од поголемата застапеност на жените во одборите и извршните тимови.

Македонска берза

„Со нетрпение ја следам иднината на Северна Македонија и очекувам да видам повеќе жени на лидерски позиции, поддржани од посветени машки сојузници“, рече Бејкер.

Во годинешниот извештај на ЕВОБ се апелира до високите извршни директори да ја приоретизираат родовата еднаквост при носењето одлуки и да постават амбициозни цели за различност на одборите и во високиот менаџмент.