text size
Главниот извршен директор на „Фолгсваген“, Оливер Блуме, се надева на алтернативно решение за тарифите за кинеските електрични возила додека се подготвува за потенцијална одмазда од Пекинг, објави „Билд ам Сонтаг“.
„Можните казнени царини би биле особено ризични за германската автомобилска индустрија“, изјави Блуме за берлинскиот весник. „Би се соочиле со значителни проблеми на кинескиот пазар. И затоа ние сме јасно против ваквите нови правила“.
Блуме рече дека компаниите кои инвестираат и создаваат работни места во Европа треба да добијат бенефиции, можеби и ослободување од тарифите од дури 45 отсто за кинеските електрични возила што ЕУ ги изгласа во петокот.
Потенцијалните одмазднички тарифи на Кина за германските автомобили би можеле да влијаат на возилата на „Фолксваген“ произведени во Кина, како и на германскиот извоз, вклучувајќи ги и брендовите како „Ауди“, „Порше“ или „Ламборгини“, рече Блуме.
Ваквиот потег би бил уште еден удар за германската автомобилска индустрија, која е потресена од предупредувањата за профит и растечката загриженост за билансот на состојба во услови на забавување на побарувачката и тешка конкуренција.
„Фолксваген“, кој неодамна по втор пат оваа година ги намали прогнозите, размислува за првпат да затвори фабрики во Германија за да ги намали трошоците.
Притисокот на ЕУ за царини доаѓа откако истрагата покажа дека Кина неправедно ја субвенционирала својата индустрија за електрични возила. Германија, која се потпира на својата автомобилска индустрија за економски раст, беше меѓу земјите-членки кои гласаа против мерката.
.webp){kind=icon}
