„Рајанер“ (Ryanair Holdings Plc) ќе престане да лета до германските градови Дортмунд, Дрезден и Лајпциг и ќе повлече поголем дел од своите летови до Хамбург поради спор со владата за зголемените давачки.
Од компанијата, која е најголем европски нискобуџетен авиопревозник, велат дека најновите кратења ќе ги намалат летовите кон и од Германија во текот на следното лето за 12 проценти, што всушност претставува 1,8 милион седишта. „Рајанер“ соопшти дека реагира на зголемените даноци за авијација, безбедноста и таксите за контрола на воздушниот сообраќај. Во соопштението на авиокомпанијата се наведува дека Хамбург ќе загуби дури 22 линии.
Од нискобуџетниот авиопревозник сметаат дека германската влада треба веднаш да ги укине воздухопловните даноци, да ги намали трошоците за авијација и да го повлече зголемувањето на безбедносните такси за да спречи понатамошни намалувања на германскиот распоред на авиокомпанијата. На зголемените давачки во Германија се пожали и националниот превозник „Луфтханза“ (Deutsche Lufthansa AG), а своите услуги ги намали и британскиот нискобуџетен авиопревозник „Изиџет“ (EasyJet Plc).
Прочитај повеќе
Авиопревозникот КЛМ бара од ЕУ мерки за нелојалната конкуренција од Кина
КЛМ (KLM NV) ја повика ЕУ да донесе мерки за да се спротивстави на „нелојалната“ конкуренција од кинеските авиокомпании.
07.10.2024
Со лажни летови авиокомпанијата „Кантас“ довела во заблуда речиси милион патници
Околу 87.000 луѓе купиле билети за лажните летови и дури 884.000 клиенти не биле навремено известени.
26.09.2024
Во септември „Рајанер“ ја намали прогнозата за цените на билетите поради послабата побарувачка во шпицот на летната сезона. Како причина авиокомпанијата го наведе забавувањето на довербата на потрошувачите, што инаку му стави крај на бумот на побарувачката по пандемијата на ковид. Тие сметаат дека потрошувачите се повоздржани бидејќи инфлацијата влијаеше врз приходите на домаќинствата. Потоа главниот извршен директор Мајкл О’Лери изјави дека цените на билетите малку се подобриле.
.webp){kind=icon}