„Стопанска банка Битола“ од минус во плус

Во првите девет месеци од тековната година, „Стопанска банка“ А.Д. Битола оствари позитивен финансиски резултат односно добивка во износ од 42,69 милиони денари (694.00 евра), што претставува значајно подобро остварување споредено со истиот период од минатата година, кога работеше со загуба од 122,54 милиони денари (1,9 милиони евра).

„Позитивниот финансиски резултат се должи на задржаниот висок оперативен резултат, засилената активност за наплата на нефункционалното портфолио на банката, како и на пониското ниво на исправка на вредност на нефункционални пласмани во однос на претходната година“, соопшти банката.

Во однос на претстојниот период, банката најави дека ќе ги презема неопходните мерки и активности за реализирање на поставените стратегиски и деловни цели од деловната политика, развојниот и финансискиот план.

„Воедно, со своето работење во целост останува насочена кон задоволување на потребите на клиентите преку понуда на иновативни производи и услуги со фокус на понатамошна дигитализација во работењето, умерен раст на кредитната активност при истовремено интензивирање на активностите за наплата на нефункционални кредити, континуирано следење на редовното портфолио и одржување на оптимално ниво на депозитен потенцијал, како од аспект на ликвидност така и од аспект на профитабилност во работењето, со што ќе се создадат неопходните предуслови за генерирање на позитивни финансиски резултати при прифатливо ниво на ризик“, наведуваат од банката.

 

Во моментов нема коментари за веста. Биди прв да коментира...

Остави коментар