„Ербас“ е под голем притисок за испораките на авиони

„Ербас“ (Airbus SE) ќе треба речиси да ги удвои своите месечни испораки во последните осум недели од годината за да ги исполни своите годишни цели.

Европскиот производител на авиони испорача 62 авиона во октомври, зголемувајќи ја испораката од почетокот на годината до 559, покажуваат податоците објавени утрово на интернет-страницата на производителот на авиони. Тоа значи дека остануваат уште околу 210 авиони што треба да бидат доставени во последните два месеца од годината за да се постигне целта од околу 770 единици.

„Ербас“ повтори дека продолжуваат превирањата во синџирот на снабдување, што на компанијата ѝ задава дополнителен проблем. Производството на најпродаваниот модел авион „А320нео“ е бавно во време кога неговиот американски ривал „Боинг“ (Boeing Co.) се бори со низа проблеми што го отежнуваат производството.

Најголемиот светски производител на авиони не можеше да изгради авиони доволно брзо бидејќи доставувачите се мачат да го зголемат производството по пандемијата. Тоа го принуди „Ербас“ постојано да ја намалува својата цел за производство до ниво од 75 авиони „А320нео“ месечно до 2027 година.

Во моментов нема коментари за веста. Биди прв да коментира...

Остави коментар